سلام الله سلامن باول المشوار نبدي به = على من يرفع الرايه ويركزها ويحماها

سلام الله سلامن باول المشوار نبدي به = على من يرفع الرايه ويركزها ويحماها
انا اشوف الثبيتي قام يطلع لي مخاليبه = احط اله الحدود المستقيمه وايتعداها
هلا يامرحبا والضيف في حكمة معازيبه = عدد وبل السحابه يوم هلت وانتثر ماها
تبي تعلج وتعرش والسنون البيض تركيبه = تعشاك الذياب اللي تبي بكرة تعشاها
نزلنا وسط سوق نبيع به ساعه ونشري به = ومن يبغا العلوم الطيبه يتعب ويلقاها
انا اعرف الصديق اللي يودي العلم ويجيبه = ورجالن يقابلنا بنصف الكف ماابغاها
معي سيفن يسلي خاطري واعرف مضاريبه = لكن ام الكباير سرع ماقصيت علباها
نبي برقن نسير مع دهاليزه ونسري به = ولو فيها العقارب والحيايا السود ناطاها
تراك اتعبت عود الخيزران اللي تومي به = وغيرك من يجيب الخيزرانه ثم وطاها
انا لاشفت لي مجنون ابا اقطع عراقيبه = ولا اخليه يرثع فالاوادم ويتحداها
يبي يرجع ولد تالي زمانه عود للشيبه = ويبري كتب وجهك بالمصاحف لين تقراها
ابو زيد الهلالي لا تهمه حرب وعتيبه = معه رمحه وفرسانه نهار الغب ينخاها

ألف شكر على المحاوره
بارك الله فيك
يعطيك العافيه ...
تحياتي .

مشكورعلى المرور

صح لسان شاعر الخليج/ صياف الحربي

و الشاعر الكبير/ مطـــلق الثـبـيـتـي

صحح لسان شاعر الخليج: صياف السحيمي
الله يرحمه ويسكنه الجنه

صح لسان شاعر الخليج/ صياف الحربي

و الشاعر الكبير/ مطـــلق الثـبـيـتـي

الف شكر لك اخوي ابن فرهود
على النقل الرائع
ورحم الله الشاعرين رحمة واسعة

رحم الله الشاعرين الكبيرين
صياف ومطلق

وبيض الله وجهك يابن فرهود .