البحر معروف مايغرف بطاسه

موجهه للشاعر الدكتور علي بن فلاح الغامدي رئيس قسم الكيمياء بجامعة طيبه

ياسلام الله في مطلع قصيدي = عدً ما تحت السما صعبن قياسه
ياصل الدكتور مع حلو النشيدي = شاعرن دكتور عاشق للدراسه
ياعسى ربي بفضله له يزيدي = هو فخرنا هو فخر لاهله وناسه
اشهد ان الدم يجري بالوريدي = والاسد عقب اسودن للفراسه
طبعكم ياهل المعالي مايحيدي = معتلين المجد دايم فوق راسه
من قديم الوقت ولا من جديدي = كاسبين العز طيبن او شراسه
لو كتبت المدح تعبني عضيدي = البحر معروف مايغرف بطاسه
واقصر الموضوع واقول المفيدي = من هجوس اللي بنى الفكره بسياسه
من زرع قال المثل جاب الحصيدي =ياعلي مبروك لك كرسي الرئاسه
عقب غابت شمسنا ذاب الجليدي = ياعسى راعي العطش يروا بكاسه
اشتكي لله عالم بالعبيدي = علتي ميتين وحدعشر تعاسه
مجتهد لاكن ترى حضي بليدي = اسمحو للصيف يعلن لي حماسه
مع كذا طالب ترى ماني وحيدي = والامل بالله ثم فيكم لباسه
وياصلاة الله عد خضر الجريدي = وعدً زاير للحرم شاف الحراسه
للنبي الهاشمي خير العبيدي = اللذي نمشي على نهجه وساسه

هلا هلا هلا ,براعي الطويسه ومرحبا
هلابك اخوي الشاعرالقدير ..عبدالله المحمدي
وصح لسانك وبيض الله وجهك على ها القصيده الجزله
جزل بكل ماتكتب ياعبدالله ومن المبدعين
ومن عوايدك الابداع..قرأت ماسطرته لنا ووجدته قمّه
لاهنت لاهنت وعسى عمرك طويل

تسجيل تواجد في منبر الجزاله
صح لساانكـ
بيض الله وجهك

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

صح الله السانك


قصيدة عانقة السماء بجزالتها وأبداعها

تحياتي لك

	على العموم __________________ «®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•° ®» __________________

والنعم في الغامدي وان شاء الله مايقصر ويعطيك
ترم صيفي والله يوفقك

وكفو كفو هنا الحماس والابداع
وصح السانك وبيض الله وجهك

الاخ عبدالله المحمدي
اتمنا لك التوفيق بالدراسه والحياه
شد حيلك بالدراسه هي المستقبل الواعد
وعسى الدكتور بعد هاذي القصيده
يراعي ضروفك ويعطيك الدرجه كامله
هههههههههههه
تحياتي وتقديري

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك وسلم بنانك



قصيدة رائعه بروعة حضورك



لك تقديري