ردي على الشاعر مبارك ابو ظهير

http://www.m-harb.net/vb/showthread.php?t=116722


السلام عليكم ورحمة الله وبركاته تجدون على الرابط قصيده
وجهتها لشاعر مبارك ابو ظهير حول اختلاف على شطر بقصيده لي سابقه
وهذ رد الشاعر الكبير على قصيدتي وردي عليه

فداك الردي يامحمدي مانـي بزعـلااان=
=ولاأبيـك تزعـل والتفاصيـل جنّبـهـا
وأنا الحمد للي خالق النـاس والأكـوان=
=بعيـده هقاويّـي عريـبـه مناسبـهـا
إذا زل في حقـي عزيـز ٍ مـن الخـلان=
=أطوّف لـه الزلـه ولايمكـن أحسبهـا
وإذا عاد كررها .. فأنا أحط فالحسبـان=
=حقوقي ولا أتْنـازل وأشـرق وأغربهـا
وإذا أخطيت في حق الخوي أعتذر منشان=
=أقـوي صداقتنـا ولايمكـن أشذبـهـا
لأنّا بشر نخطـي وذا طبعـه الإنسـان=
=بشر والبشـر دايـم تفاخـت مذاهبهـا
مهو عيب لاختلفت على بعضنـا الأوزان=
=لنـا حـق نسـأل والتفاسيـر نطلبهـا
أنا والله إنـي فاهمـك صـح ياكحيـلان=
=قريت القصيـده صـح مانـي معذربهـا
أنا قلت أبي توضيح إن كـان بالإمكـان=
=علشـان بالتوضيـح نبعـد مثالبـهـا
سؤال ٍ سألته ماهقيتـه يثيـر أشجـان=
=على طيب نيه .. ونيتك مانشـك ابهـا
وتفاجأت في ردة فعـل منـك ياهديبـان=
=وأنا محترم نفسـي .. وقايـم بواجبهـا
ولو ترجع لردي تـرى مانـي بغلطـان=
=إذا فيه كلمـه غثتـك أبشـر أسحبهـا
وإذا كنت ناوي في رحيلك علـى ماكـان=
=فلابـاس وإكـرام النفـوس بمطالبهـا
غلط ماغلطنا وإن حصـل نعتـذر والآن=
=أمام الملا بس غلطتـي ياسعـد جبهـا

ردي على الشاعر مبارك ابو ظهير

هلا يامبارك عد ماغاب نجم وبان=تحية وفاء باأحلا الجواهر مذهبها
مثل عقد ماس بعنق فاتن من الغزلان=لازاحة عن الوجه الحياوي ذوايبها
قضت عمرها بالشام مدري جبل لبنان=سوات الاهله يامبارك حواجبها
نحيلت خصر والعود من طيبها ريان=تعامل بعفويه مع اللي يخاطبها
أنا ياوسيع العرف يامعرب الجدان =على الطيب والمعروف نفسي مهذبها
أقيس البحور بعمقها واعرف المرجان=وأدل العدود اللي عذيه مشاربها
لساني حصاني مخلط الثوم بالريحان=أقيس الرجال بطيبها لامناصبها
ماحب المكابر والمزايد بلا برهان=دروب الخطاء مبطي زميلك مجنبها
أسج الركايب من بلادي ليا خيطان= ظهور الركايب يامبارك مشيبها
نحتنا على صم الحجر رايع القيفان= بضايع بوسط السوق ضامن مكاسبها
وانا داري انك تصخر القاف يالسرحان= بيوتك رجال الذوق والفهم تطربها
لقينا لكم ياراعي الطيب بالديوان=قصايد جميله سالمه من شوايبها
نهاية مطاف السالفه نقفل البيبان=قضيه ماتفسد حب ناس لحبايبها
سعينا وطفنا يامبارك وانا الربحان=انا المستفيد وكلمة الحق ماطيبها

اخوي العزيز والشاعر القدير ..ابوتركي ..سعد المحمدي
صح لسانك والله يبيض وجهك على ها القصيده
الوافيه اللي مايكتبها الاشاعر كبير مثلك
لله درك يابوتركي بالبدع والرد
شاعر مايختلف عليك اثنين وهذي شهادة الجميع
والى قمة المجد يابوتركي عسى عمرك طويل
......ولا انسى ....صح لسان الشاعر مبارك ابوضهير

تحياتي وتقديري

	المشاركة الأصلية كتبت بواسطة تركي العماني

	اخوي العزيز والشاعر القدير ..ابوتركي ..سعد المحمدي صح لسانك والله يبيض وجهك على ها القصيده الوافيه اللي مايكتبها الاشاعر كبير مثلك لله درك يابوتركي بالبدع والرد شاعر مايختلف عليك اثنين وهذي شهادة الجميع والى قمة المجد يابوتركي عسى عمرك طويل ......ولا انسى ....صح لسان الشاعر مبارك ابوضهير تحياتي وتقديري

الشاعر القدير
تركي العماني
مرورك يابو الجوهره
شرف لي الله يبيض وجهك
وماعليك زود ياراعي الجزاله

الشاعر القدير والأخ العزيز سعد المحمدي
صح لسانك ولسان زميلك على هذه الروائع
قرينا واستمتعنا بماقرينا لك جزيل الشكر يابو تركي

الشاعر الكبير سعد المحمدي
صح لسانك ولسان الشاعر مبارك ابو ضهير

صحت السنتكم قصايد
جزلة لاشك

صح لسانك يابوتركي
وصح لسان مبارك
شعار كبار بيض الله وجيهكم

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح السانك صح السانك ملايين ياشاعرنا العلم
وصح السان ابن ضهير واقي يابو تركي
والله لو اكتب عنك لن اوفيك حقك
فلله درك يابن العم
تقبل تحياتي

صح لسانك يابو تركي

ابداع وجزاله

وغني عن الاشادة

تقبل مروري طال عمرك