هاذي قصيده موجهه لي من الشاعر القدير راشد السحيمي وهاذا ردي عليها

ماني منزل عن حصاني سرجي=عندي قصيده مبطيه في درجي
ماني بقادر للجميع اقراها=لكن لادسيتها ويش ارجي
مذكور لي يم المدينه شاعر= ماهو غريب _صويلح ابن مرجي_
ابشرب الفنجال عنده وامشي=ولاني منزل عن ذلولي خرجي
ماني مطول يمكن آخذ ساعه=ولاودي احطه فموقف حرجي
البارحه قعدت اهرج روحي=من بعد عشر امتار تسمع هرجي
اقول وشلون الجنيه مصدي؟= منه السبب واللا من الجوهرجي؟!
من شال همه فوق هم اصحابه= الهم زايد هم ماينفرجي
واصحابنا اللي روسهم مدرجه= ماقلت ياروس الرجال ادرجي
دور علاج(ن) للصداع وهاته=تلقاه فالنهدي وفالبترجي!
=============================================
ماني بقايل للحروف إندرجي=مادام جاني من يصفي برجي
شاعر محنك كل شعره حكمه=مايلتفت للااش والسكرجي
ريح ونزل عن حصانك سرجك=لو الزمن يبن الحلال يعرجي
والله ماتمشي لين تاخذ فالك=انا بدوي(ن) ماني إبحورجي
بذبح لكم كبش(ن) سمين يجمل=امحلله بالذبح ماهو حرجي
وكان الجنيه اللي بجيبك صدا=طيري يبو رامي فبطن الخرجي
طفت اربعين وحالتي مستوره=والمرجله في عصمة الكورجي
واليوم حالي مثل منته شايف=كني غريب ومهنتي قبرجي
واصحابنا من ديرة(ن)في ديره=مثل الجواز اللي مع السفرجي
وإن كان تبغا لك علاج يفيدك=صبرك طبيب(ن)لك وانا تمرجي!

اللله الله

الله


صح لسان الشاعر الكبير

راشد السحيمي على القصيده الجزله

والتي كانت قافيتها صعبه وكان التمكن واضح فيها


وصح لسااانك اخوي الشاعر الجزل
صويلح السحيمي

على الرد الجزل والوافي
ولكن ماخلا لك راشد الا القليل من القااافيه


صح ألسنتكم جميعا وبيض الله وجيهكم مليوووووووون




تقديري للجمييييع

الشاعر صويلح السحيمي صح لسانك
ولسان الشاعر الكبير راشد السحيمي على القصايد الجزلة
بيض الله وجيهكم يأبناء العم لاهنتم

الشاعر صويلح السحيمي
صح لسان الشاعر راشد السحيمي
وصح لسانك
جزلين بارك الله فيكم

الشاعر القدير
صويلح السحيمي
صح لسانك وعتلا شانك
على طرح المساجله بينيك وبين
شاعر حرب الاول بالمحاوره
الشاعر راشد السحيمي
صح الله اسنتكم وبيض الله وجيهكم
تحياتي وتقديري

صح لسانك وبيض الله وجهك
على هالقصيدة الجزلة

صحت السنتكم
والله يـعـطـيـكم الـعـافيـــــــــــة
بيض الله وجيهكم

الشاعر صويلح السحيمي صح لسانك
ولسان الشاعر راشد السحيمي.مساجله
في قمة الجزاله لاهنتم

صحــت السنتكــم
دمتم برعاية الله وحفظة

صحت السنتكم وبيض الله وجيهكم


لكم تقديري