هاض الضمير وفي عنى خاطري هاض

هاض الضمير وفي عنا خاطري هاض = واسترجعت كل الجوارح زمنها
وهني من سج القدم عقب مقياض = برضٍ زماليق الربيع اتحضنها
يتبع سحابٍ بارقه بالسماء ناض = على زهر دارٍ نضيفٍ وطنها
سيله من العالي على حايره فاض = اغصونٍ يطرقها وغصونٍ دفنها
دارٍ مرى خضراء صحاصيح وفياض = اتعزف بها طيور الهواجر لحنها
ترعى طرف روضٍ من المي ماغاض = ماوايقت غيب القلوب ودرنها
القلب به من جاير الوقت عضّاض = والنفس عياّ عن هواها بدنها
الله على اللي لا مشى يومض اوماض = كنه بسيف العدل يامر وينها
رفوق ما هو للأزاهير نفاض = كنه بميثاق الأمان يهدنها
كامل مكمّل عن هوى النفس ما جاض = مروة فلاةٍ ينطق الغيم عنها
كنه بقفريّ الحَياء يعرض اعراض = وضحا وشيع القطن يزهى رسنها
اليا دق في حدب المغاليق كضاض = وضاقت بمفهوم الوسيعة اسننها
نصيت فوقه مزهرٍ كنه احياض = يلبس متون الارض ويلبس طمنها
يطلع وينزل من مراعيف لرياض = في ساعةٍ بالعمر غالي ثمنها
مناظرٍ تجلا عن القلب الامراض = الله كساها بالجمال وضمنها
اخذ بها عن ناقص الهرج مركاض = عن كلمةٍ هراّجها ماوزنها
تقرض معاليق الحشى تقل مقراض = تقتل قلوبٍ صافية من رعنها
نفسي عزيزة ما استكنّت بالأنقاض = لو كان وقتي عن هواها سجنها
تنجض لي المعنى على كيفي انجاض = ولا لي سكن بالارض لولى سكنها
والله لا جاهدها على الحق لو غاض = حتى بروابي نجد تلبس كفنها

الشاعر الكبير
نافع الحربي
صح لسانك وعتلا شانك
هنا الجزاله هنا السلاسه
هنا الابداع والروعه
الحقيقه الشاعر الكبير نافع الحربي
شهادتي فيه مجروحه
بيض الله وجهك

صح لسانك وعتلا شانك
هنا الجزاله

صـــــــح لــــســـانـــك




تحياتي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

تقـرض معالـيـق الحـشـى تـقـل مـقـراض
تـقــتــل قــلـــوبٍ صـافــيــة مـــــن رعـنــهــا

صح لسانك اخوي نافع على هذا النص الراقي

دمت بخير اخي الغالي

الشاعر سعد المحمدي
الشاعر نديم المجرة
الشاعر خالد سمير الجليدي
الشاعر رابح الجحدلي
الشاعر خالد دغيمان القبع
اخواني الكرام لكم جزيل الشكر قد أنار
متصفحي في وجود هذه الكوكبة من الشعراء
الأفاضل لكم أجمل التحايا واطيبها :

الجزل مايجيب غير الجزله
قصيده جزله
صح لسانك اخوي نافع الحربي
داام رقي وابداع حرفك اخوي
احترااامي

	المشاركة الأصلية كتبت بواسطة نافع الحربي

	هاض الضمير وفي عنا خاطري هاض = واسترجعت كل الجوارح زمنها وهني من سج القدم عقب مقياض = برضٍ زماليق الربيع اتحضنها يتبع سحابٍ بارقه بالسماء ناض = على زهر دارٍ نضيفٍ وطنها سيله من العالي على حايره فاض = اغصونٍ يطرقها وغصونٍ دفنها دارٍ مرى خضراء صحاصيح وفياض = اتعزف بها طيور الهواجر لحنها ترعى طرف روضٍ من المي ماغاض = ماوايقت غيب القلوب ودرنها القلب به من جاير الوقت عضّاض = والنفس عياّ عن هواها بدنها الله على اللي لا مشى يومض اوماض = كنه بسيف العدل يامر وينها رفوق ما هو للأزاهير نفاض = كنه بميثاق الأمان يهدنها كامل مكمّل عن هوى النفس ما جاض = مروة فلاةٍ ينطق الغيم عنها كنه بقفريّ الحَياء يعرض اعراض = وضحا وشيع القطن يزهى رسنها اليا دق في حدب المغاليق كضاض = وضاقت بمفهوم الوسيعة اسننها نصيت فوقه مزهرٍ كنه احياض = يلبس متون الارض ويلبس طمنها يطلع وينزل من مراعيف لرياض = في ساعةٍ بالعمر غالي ثمنها مناظرٍ تجلا عن القلب الامراض = الله كساها بالجمال وضمنها اخذ بها عن ناقص الهرج مركاض = عن كلمةٍ هراّجها ماوزنها تقرض معاليق الحشى تقل مقراض = تقتل قلوبٍ صافية من رعنها نفسي عزيزة ما استكنّت بالأنقاض = لو كان وقتي عن هواها سجنها تنجض لي المعنى على كيفي انجاض = ولا لي سكن بالارض لولى سكنها والله لا جاهدها على الحق لو غاض = حتى بروابي نجد تلبس كفنها

الله الله


كبير يانافع والكبير الله


نص مختلف


تصوير رائع وخيال مجنح


هنا شعر بمعنى الكلمه


قصيده لاتمل مبنى ومعنى واختيار للمفردات ثم البستها تاج القافيه ووفقت به بشكل لايوصف

وفقك الله


والف الف مليون مليون صح السانك

واعتلا شانك



تحيتي وتقديري

اخـذ بهـا عــن نـاقـص الـهـرج مـركـاض
عــــــــن كــلـــمـــةٍ هــراّجـــهـــا مــاوزنـــهـــا