قصيدة ترحيبية بمناسبة زيارة سمو امير المدينة وادي الفرع

بســــم الله الرحمــــن الرحــيم



السلام عليكم ورحمة الله وبركاته
أحياناً يعجز الإنسان عن التعبير عما يجيش بخاطره ولو ألِّف ملايين الكتب أدباً وشعراً أو نثراً وهذه أبيات ترحيبية بمقدم سيدي سمو الأمير عبدالعزيز بن ماجد بن عبدالعزيز أمير منطقة المدينة المنورة , وحفيد صقر الجزيرة , والكريم ابن الكريم ابن الكرام بمناسبة زيارته لمنطقة وادي الفرع لافتتاح ووضع حجر الأساس لبعض المشاريع بالمنطقة وتفقد أحوال رعيته بمنطقة وادي الفرع :


بديت بســـــم الله علام الأســــــــرار
ربي عليم بالجهر والســـــــــــريره


علام ما فـــي الغيب عــــــلام الأقدار
هو الذي يجبر عظام كـــــــــــسيره


هاض الفؤاد وجــاب جزلات الأشعار
جات القوافي كالسيول الــــــــغزيره


هلت كــما ثعل مـــــن الـــــمزن نثـار
مثل السحاب اللي مزونه مطــــــيره


عبدالعزيز الـــــــــيوم للـــــدار زوار
والله سعـادتنا بشوفك كبيـــــــــــــره


يـــا مرحبــــــــا مـليار مـليار مـليار
عــداد من عينه تــــــــــــقدي مسيره


يـــا مرحبـــــــا عداد همال الأمــطار
وعـداد طير معتلي فــــــــــي مطيره


يــا مرحبــا بك يأبن وافين الأشبــــار
يا مرحبـا حفيد صــــــــــقر الجزيره


حـــــفيد شيـــخ لــه تواريــخ وأذكار
ذكراه من فوق النجوم الــــــــمنـيره


عبدالعزيز اللــــي حمــا الدار والجار
بالحلم والأ بالسيوف الـــــــــشطيره


شيخ الشيوخ وحر من نسل الأحـرار
حكم بعدل وحلم وأرضـــــى ضميره


على كتاب الله ولا غــيره أخــــــتار
أرسى قواعد حكمه المــــــــستنيره


ساير علـــــى ملــة محمد والأنصار
بشرع رب البيــــــــت حكمه يديره


يعجز لســــاني والقلم وكـــل الأفكار
عن وصف شيخً له مـواقف شهيره


واليوم فرحتنا بـــكم يأبـــــن الأخيار
عاين وناظر هالــــــــجموع الغفيره


عـــم الفرح بالـدار وأستبـــشر الدار
أنتم فخرنا يا فخر كـــــــــــــل ديره


وادي الفـرع خضّر وبه شـع الأنوار
عم الفرح حواضـــــــــره والعشيره


نوّر وبـــه فاحــت رياحين وأزهــار
زيارتك يا سيدي هـــــــــــي عبيره


زيارةٍ فيهـــــــا تعرفت وش صــــار
على مشاريع تــــــــــــــــنفذ كثيره


في ما مضى ذقنا من الوقت الأمـرار
ذقــنا التعب والهــــــــم والله خبيره


والفرق واضح قالها كبـــار الأعمار
بـــين السنين المــــاضية والأخيره


يدعون لآل سعود في وقت الأسحار
بقلوب دوم لفــــضل ربي فقيـــــره


بالأمـــس نتعب وإن نوينا بمـشوار
طريق صعب والصحاري خــطيره


واليوم مـــــا حـدٍ في طريقه بيحتار
سهل الطـــريق ونعــمة الله وفيره


وفيما مضـــى للكـهرباء نشعم النار
وألا مــويطيـر يطفش صــــــريره


واليوم نور ومعه خــــــــيراتٍ كثار
بفـــــــــضل منـــهُ بر شعبه بريره


وبالأمس مستشفى الفرع أمال وأخبار
والـــــــــــــيوم جاهز والكوادر تديره


يا شافيً أيوب مــــــن كل الأضــرار
وعــــــلى الخلايق عم فضله وخيره


يا مــــــــدخل المؤمن بجنات الأبرار
تحــــــــــفظ لنا القائد بفضلك تجيره


تحفظ لنــــــــــا أبو متعب الوالد البار
رجــــــل الشجاعة والبصر والبصيره


خادم بيوت الله وللحــــــــق نصــــار
في كـــــل دولــــــة حـــل فيها سفيرة


وتحفظ لنا نايف كما السيف بتــــــار
عمى عيون أهل النــفوس الشريـرة


ولي عهد المملكة دونها ســـــــــوار
ســــــوار لبلاده وعــــــــــز وجيره


يدير عدوانه وهو صعب ينــــــــدار
يغضب نفوس اهل الضغون الحقيــرة


وتحفظ لنا سلمان من كــــل الأشـرار
طور دفـــــــــــــاع المملكة والذخيره


بالأرض دبــــــابـــــــة وبالجو طيار
وجنود ما تخشـى لهيب الــــــسعيره


وآل السعود لهم معزه ومقــــــــــدار
يالله تعطينا الأمـــــن والستيــــــــره


شجرة وفـــــاء تنتج لنا طيب الأثمار
في حكمهم عين المــــــــــواطن قريره


قلتــــه وانـــأ من ربعــة تحسن الشار
يوم بعض الناس ضايع شويــــــــــرة


ربعـــــي بداريـــــن يشوقون الأنظار
من صلب حــرب وحرب نعم العشيرة


يوم القبايل بينها الحــــــــــرب والثأر
ذيك السنين الماضيات المــــــــــريرة


إذا تعلوا فـــــــوق قبات الامهـــــــــار
ينزلون المعتـــــدي عن بعيـــــــــــره


يثنون فاللازم يالو صار ماصـــــــار
نفوســـــــهم ترخص نهار المغيــرة


واليوم جند لملكنا كبار وصغــــــــار
دون الوطن كل حماســـــة وغيــــرة


واللي نوانا بشــــــــــرنعطيه الانذار
ما هو محصل كبر حبـــــة شعيـــره


وعداد مـــــن صلى ومن حج وأزتار
صلو على من حسن هـــــديه وسيره


الشاعر : عبدالمطلوب مبارك البدراني
وادي الفــــــــــرع

الشاعر : القدير

عبدالمطلوب مبارك البدراني

صح لسانك وعتلا شانك

قصيده جزله من شاعر جزل

في رجل له مكانه بالقلوب

لله لله درك

من شاعر جزل

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

ياسلام يابو ناصر
صح لسانك قلت فاجزلت يعطيك العافيه

صح لسانك قصيده جزله من شاعر جزل

الله يعطيك العافيه

بيض الله وجهك ياولد العم
كفيت ووفيت قصيدة مشرفة لنا جميعا لاعدمناك
تقبل مروري وتحياتي

صح السانك يابو ناصر واعتلا شانك


قلت واجزلت


وبيض الله وجهك



لاعدمناك يالقرم



تحيتي وتقديري لشخصك الكريم

ونعم بربعنا البدارين وصح لسانك واعتلا شانك

	المشاركة الأصلية كتبت بواسطة سعد المحمدي

	الشاعر : القدير عبدالمطلوب مبارك البدراني صح لسانك وعتلا شانك قصيده جزله من شاعر جزل في رجل له مكانه بالقلوب لله لله درك من شاعر جزل

الاخ الغالي سعد المحمدي

صح قلبك وسعدت جدا بمرورك العطر وروعة حضورك

ورقي كلماتك

لك فائق التحية والتقدير

	المشاركة الأصلية كتبت بواسطة رابح الجحدلي

	¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك

الاخ الغالي / رابح الجحدلي

سعدت بمرورك العطر

لك فائق احترامي