داري صحاريــها حــــــــدايق ورودي

31-01-12, 01:13 PM

انا سعودية وجـــــدي ســـــــعودي
أقــــولها ولا علية مــــــــن الناس

أفــخر بأبو متعب وفخــري يزودي
ابو الجميع اللي للأجواد نبـــراس

تحت لــواه الشعب كــله جــــنودي
الراي واحد والعقيدة والإحـــساس

متوسطة من نجد مـــربا جــــــدودي
أفخر بها وآعيش مرفوعة الــراس

أمشي بــــها حـــــرة بليا قيــــــــودي
ما يعتريني من قسا الخوف وسواس

ما هاب في ممشاية أرقى ســــــنودي
أحس في فـــــخر وتعالي ونـــــوماس

فرعٍ مــن أصـــلٍ له كيـــان وجــــودي
الله يحميها مـــــن اشــــرور الانجاس

داري صحاريــها حــــــــدايــــق ورودي
أزكى الورود اللي بـها عــطر الأنــفاس

أمن ورخا عـــودٍ بعين الـــــــــحسودي
من شرقها لا غربها مالــها اجنــــاس

ومن الشمال الياء جنوب الــــــحدودي
درة ثـــميــنة لا تــقارن ولا تــــــقــاس

فيــها رجـــالٍ عــن حـــــــــماها تذودي
عدوها قبل يـدوس أرضـــــــــها يداس

.....شموخ الأصيلة.....

31-01-12, 01:45 PM

الشاعره
القديره
شموخ الاصيله
صح الله لسانك
نص جميل
وراااااااااااائع
تحياتي وتقديري

31-01-12, 05:28 PM

والنعم والف والنعم
صح الله لسانك

بيض الله وجهك

الله يعطيك العافيه

لا عدمناك

31-01-12, 09:30 PM

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

01-02-12, 12:06 AM

رائعه
ابيات رائعه
صح لسانك ياشمووخ
دااام هالتميز والابداع
ودي واحترااامي

01-02-12, 12:15 AM

شموخ الاصيله .
صح لسانك على ها القصيده الجزله
ونعم فيك وبلابتك كلها

01-02-12, 01:18 PM


	المشاركة الأصلية كتبت بواسطة سعد المحمدي


	الشاعره القديره شموخ الاصيله صح الله لسانك نص جميل وراااااااااااائع تحياتي وتقديري

صح بدنك الله يعطيك العافية.

01-02-12, 01:41 PM


	المشاركة الأصلية كتبت بواسطة حفيد الحجيري


	والنعم والف والنعم صح الله لسانك بيض الله وجهك الله يعطيك العافيه لا عدمناك

والنعم بالجميع ماعليك زود لاهنت.
صح بدنك ووجهك أبيض...

01-02-12, 02:30 PM


	المشاركة الأصلية كتبت بواسطة رابح الجحدلي


	¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك ووجهك أبيض .
الله يعطيك العافية...

01-02-12, 03:35 PM

صح لسانك وعتلا شانك