يـــا نجــد لامنـه بــدى الوقـت بوسـوم

السلام عليكم ورحمة الله وبركاته
مساء/ صباح الخير
اقدم لكم هذه الدره الثمينه بعد غياب طويل
واتمنى ان تحوز على رضاكم .....





يـانجـد لامنه بدى الوقت بوســوم
والبرق يلمع والرعد له حساسه

ثم ابتـدى جون يصحي مـن النـوم
وديـمن سماها ويقض الجــو ناسـه

واخذ شهر ما يفصل الوبل لو يوم
ضفـوت ربيعن مـا يبيله عساسـه

والارض خضراء والسماء كلها غيوم
ويــوم الربــوع مكنسلين الدراســه

ومسارب الشعبـان فيهـا النفل كــوم
وروس الجذايب مكتسي من هراسـه

وبيت الشعر في حاجر الروض مزموم
وغــرون صغير غيـر راسك وراسـه

وهناك جــارك شايبن عاصر القــوم
مرجـع لديـوان العــرب والفراســه

وام سالم البرقاء لها صوت وعــلوم
وتاخـذ لها عقـب الصعـود انتكاســه

ووضحن تساوي ما ملك باشة الروم
تـزمـي برغــوتها علـى كـل طاسـه

ويبرى لها سكسن محرم على السوم
كنـــه يـــوده لا دبلــه وداســه

ولا عل ماني من اجمل الوقت محروم
ذروت سنـام المرجلـه و الـونـاسـه

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله لسانك
ولاهنت

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك