من رحمة الرحمن.. ماصابنا ياس..

كتبت هذه الأبيات بعد زيارتي لشيخ /محمد بن عباس الجميلي..

أسأل الله العلي القدير له الشفاء العاجل..

الهم نوخ في خفوقي بعيره = ووتاد بيته دقها بين الأقواس
على ثراء صدري جمع له عشيره=تواردو عد المشاعر والأحساس
العين تبصر.. والأيادي قصيره=أمر الذي يأمر على كل الأجناس
أمنت بأمره وسأله وأستجيره=يشفي سنام الجود.. من كل الأوجاس
لاباس ياشيخً نحل في سريره=سطا عليه السقم.. وأعياه لاباس
ضحكت ياعيد الضحيه لغيره=وشلون قلبك ماحزن.. لبن عباس
اللي يهلي بالوجيه السفيره=مطلق سراح المال.. من سجن الأكياس
حاز المراجل.. والمراجل عسيره=درس المراجل.. مايدرس بكراس
سيف الكرم سله.. وكسر جفيره=ماذل من فقر القرايا والأفلاس
صوت السواني ماغدا فوق بيره=عد الروى.. يومً الأرياق يباس
الجود يفخربه.. ويرويه سيره=في محفل الأيام.. يرفع به الراس
كلمة كفو.. كفوه.. ولاهي كثيره=محمد اللي ماورث لول والماس
ولاملك قصر.. وحدائق كبيره=هداج.. ماوظف على الباب حراس
الدار تكبر به.. ولوهي صغيره=ياكثر ماتقلط على داره الناس
يلفونه الضيفان من كل ديره=ابومساعد.. للمواجيب نبراس
أضيوف ترحل له.. وتنعم بخيره=وضيوف ترحل منه..وضيوف جلاس
أبيض وجه.. ياشيخ..وأبيض سريره=صيتك لنا في كل الأقطار نوماس
القاف ياقف قدم طيبك بحيره=ماتنحصي وقفات طيبك بمقياس
مشاعرك..فزعه..ونخوه..وجيره= نفس التواضع فيك..تنعم بالأنفاس
نرجي عسى فالأمر ياشيخ خيره=من رحمة الرحمن.. ماصابنا ياس

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

لاهنت ياسعود وصح السانك وبيض الله وجهك على هالقصيده الوافيه
ومحمد ابن عباس كفو ويستاهل المدح والله يشفيه ويكتب له مابين الااجر والعافيه
والف شكر لك على هاالمشاعر الطيّبه واللصادقه وهذا اكبر دليل على وفاك
للشيخ محمد ابن عباس الجميلي
دمت بخير وسعاده

لاهنت اخوي سعود قصيدة كافية ووافية معبرة عن شعور مملوء بالاخلاص والوفا لاهل الوفا
تقبل مروري وتحياتي

الله يسلمك

كلمات جزلة ووافية من شاااااعر كبير ومتمكن

صح لسااااااااانك

لاهنت ياسعود وصح السانك وبيض الله وجهك على هالقصيده الوافيه
ومحمد ابن عباس كفو ويستاهل المدح والله يشفيه ويكتب له مابين الااجر والعافيه
والف شكر لك على هاالمشاعر الطيّبه واللصادقه وهذا اكبر دليل على وفاك
للشيخ محمد ابن عباس الجميلي
دمت بخير وسعاده

صح لسانك سعود
والله يشفيه
قصيده جزله من جزل
لآهنت
تقديري لك

صح لسانك سعود على هذه القصيدة التي نبعت من احساس صادق نسال الله
إن يشفي محمد عباس ويكتب له الاجر والمثوبة تقبل مروري

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة رابح الجحدلي

	¨°o.O ( ×××××××) O.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك ولاهنت