ديوان الشاعر / غازي رويعي الوهبي الحربي

عندما تفقد عزيز على قلبك كالموت فانك ستفقده ايام ينتهي بالعزاء ولكن عندما تفقد صديق وقريب وجار
فقدته بعد اصيب بحادث وتحولت حياته لاعاقه لايستطيع 000000000
اتركم من بوح المشاعر لعلها تتكلم اكثر وضوحا
انا البارحة بيني وبين المنام علـــوم * علوم تصحي غافي النوم عـــن نومــه
وانا عاتي ماروح من ضيقتي مهزوم * صبور على الشدات والرجل وعزومـه
ولكن هالمـــره لفيت البحر واعـــوم * لقيت البحر غدار و النفس مهمومــــه
وعلى ساحله عديت ساعه وانا مصدوم*ولاجاب ثوبي غير دمعن على كمومـه
وضاق التنفس فالرئه والفم والبلعـــوم* و تنهت لكــن داخل الصدر ملطومـــه
يقولون ينايــم تحصـن عن الجاثـــوم * ولكن انا صاحـــي وبالصدر جاثومـــه
على سبـــة الفرقاء بكينــاك يازيـزوم * بعدهـــا يشـــح الدمع معادلــه قومــــه
بكيت الصديق الطيب الوافي الشغمــوم* وبكته الرجال اللي تبا الطيب وعلومــه
تصبرت ست شهور مار القدر محتــوم* وانا راضي في حكم ربي ومقسومــــه
ولايصبر المخلوق غير الدعاء والصوم*وعساء الله يرد الروح لاتصير مهزومه
اجمع قوايـــه واتحيـــزم وانا محـــزوم* بهم يزود طـــويق ويعـــدي رجومــه
فانا طالبك يامن تمش السحاب غيــــوم* وتثغيث الديار اللي من القيظ مسطومه
تعيد المريض اللي لباسه بياض هـــدوم* ولاتجعـــل امه من خطاويه محرومـــه
شعر غازي الرويعي الوهبي

1 ياماجد اركب جعل بالامر خيره= ابيك لاسافرت تركب على يمين
2عقب العشاء والركعتين الاخيره=وختمتها بالوتر عقب المصلين
3 يعني لامن اللاش قام لسريره=لاراح ثلث وباقي الليل ثلثين
4لاصار توه قايمن من فطيره= راس ادرعا ماشيبوه البعيدين
5ماشاقه الماطور لاشد قيره=ولاذكره مكنون صوت الشكامين
6ولاتله الغربي وبعد العشيره=اللي عن ربوعه تغرب له اسنين
7ولاوقفه مجرى الشعيب وهديره=ولاقام يمشي من شعيب لشعيبين
8ولاراح بالوايت وروى غديره= ولاعجله شوف الغنم والبعارين
9ولاراح عساس وشاف البذيره=ولاقال جعلك يام سالم تغنين
10ولاجاء البيوت الشامخات النظيره= ماتسمع الاياهلا فيه واهلين
11ولاهيضه قاف الحويفي بطيره=ولاابن زويبن لابغى دار غالين
12ابوك ياماجد عطاك السريره=وابيك ياماجد تجيلي على الدين
13 اركب على جيب يسرك مسيره=من فضل ربي ماخذيته من الدين
14مارتاح بالي لين يضرب نبيره=ويزعل عليه دون ميه وستين
15حقه عليه لين تسمع صفيره=صفير غصن من هبوب الخماسين
16 ابيه لامني نويت الزبيره=لادق هاجوس يفك الشرايين
17 والقلب جابه من عنا الوقت حيره=والبال متكدر يجيله نهارين
18الوقت يرعى القلب رعي السعيره=ولوعها العرفج وهبوبها شين
19والهم لوهو زاد مابه معيره = دارت بنا الدنيا وصرنا بعيدين
20ورحنا مع الايام في كل ديره= مانجتمع كل السنه بس عيدين
21ايامنا واحداثها المستثيره=والله يثبتنا على الماقف الزين
22حنا نهديها وهي مستطيره=ودارت ولازلنا على السلم باقين
23ومن خلقت الدنيا وهي مستديره=بس الرجال رجال مبطي وبعدين
24مايشرح الخاطر ويبهج نظيره= الاوقوفي عند ربعا مسمين
25 الفي على اللي ماتكدر قصيره=محبوب للاجناب والربع الادنين
26 النعم حاشه باليال العسيره=يوم المراجل ماتجي مثل هالحين
27 عساء حياته بالهنا والستيره=يحميه من نزل تبارك وياسين
28والله من سو الليالي يجيره= ياناصر الاسلام في غزوة حنين
29 ومدحت ابوي وفيه غيره وغيره= ربعا ينومس ذكرهم بالدواوين
30 ولاهمني راع العلوم الصغيره=يزعم بنفسه عند ناس ضعيفين
31والراس يطبخ من امورن كثيره=لاهي بلاوحده ولاهي بثنتين
32 وهجوس غازي كل يومن مغيره=وانا اتحدها على العسر واللين
33بس العقل يحدى الرجال الكبيره=وانا حداني يالرجال الحشيمين
34 ولاالهدف قدمي وعيني بصيره=لاشك للشرهات ناسن كثيرين
35 وياما سفهنا من وجيه حقيره= وياما تركنا طردها لبو وجهين
36 ابمدح الطيب ولابه معيره=والشعر مايكتب على شان قرشين
37 يكتب لمن مدحه وصل كل ديره=اللي يحصل باذكر قول نعمين
38 الشاعر دايم مايريح ضميره =حتى يتعدى بيت سبع وثلاثين
39 قلبي غدى كنه قناة الجزيره=بين العراق وبين مافي فلسطين
40 والعاقل اللي راكد بتعبيره=يقدم ولاينظر بهرج المساكين
41والنظره اللي ماتعود قصيره=اتخلي الرجال مثل السلاطين
42 لاصار به من واقع الوقت غيره=والشعر ترجح به جميع الموازين
43 يومن بالافكار ناس فقيره=انا احمد الله بالمعاني غنيين
44والشاعر مثل العود حرقه يثيره=ويبين نوع العود من حرق نارين
45 وهواي لاغصت البحور الغزيره=واخذت منها مايسر الشريفين
46 يومن كلن عدته عند بيره=حنا نوردها لعذب الفراتين
47ابوي سلمني حزام وذخيره= وانا علي اللي تصيب النياشين
48وانا الفخر عندي سيوف شطيره=اقلها اللي يقسم الراس قسمين
49ان جيت لمطارد بيوته شهيره= يدغم لك المعنى ويعطيك دربين
50ايتعب الشاعر ويتعب شويره= لاصار مايفكك رموز العناوين
51ومرضي يصخر شرد مستذيره= ينصت له السامع وتنظر له العين
52وان كان بالميدان ناس غفيره=بالملعبه ماهو على صف صفين
53وفيها منازل والمعاني خطيره= اثنين لاراحو ولاعادوا اثنين
54عبدالله كان السيف خلا جفيره=وعطالله اللي يدبل الصاع صاعين
55والشعر ماهو من خفير لخفيره= الله مايرضى والخلايق معيين
56العلم واضح مثل شمس الظهيره=وعلم الخطاء يرجع على صاحبه دين
57ماهي علوم اللي سفر في بعيره= وخلا البعير وعود بخف لحنين
58وربعي مروضت الجموع الضريره=شعارهم ماهو بواحد ولاثنين
59تقلى جزايلهم على كل سيره=وتلقى مواقفهم بوسط الميادين
60والطيب ماوقف على ابن المغيره=ولاضاعت الخوه عقب خوة حسين
=الشاعر غازي رويعي الحربي

اعتذر عن انقطاعي بالفتره الماضيه لوجود الاشغال
لكن تبقون عزيزين عندي واهديكم هذه الابيات

الله من هم تضمه معاليق=ذابت ضلوعي من سبايب همومي
صبرت بس الصبر مابه توافيق=والصبر لامن زاد ماله يمومي
وجدي على وقتن مضى يالمطاليق=وجد اليتيم اللي ولوه الرخومي
تطري له امه لارقد يابس الريق=لانام جايع ثم توسد كمومي
ويطري ابوه ان شاف ضيم المخاليق= لاشاف ماحوله جزوعن رحومي
اجاري الايام بالصمت والضيق = واعدي الزله واقول محشومي
بس الوكاد ان الشعر والطواريق= والشاص لامنه وقف بالحزومي
وخوة نشاما بين مزحة وتعليق= وعلوم تحسب من خيار العلومي
تسوى مجالس مهتوين التفاريق= اللي ذممهم بين بيعن وسومي
العام عديت الطويلات بطويق=واليوم مالي بالطويله لزومي
والعام وسمت الجمل بالمطاريق=واليوم كافي مايبيله وسومي
لوكثرت الاشغال مثل المسابيق=اسوق روحي دام رجلي تقومي
يبعد همومن بالضلوع المغاليق =اخذ بها لحضات واعيش يومي
وخوه هل الطولات ماهم مطافيق= ويحرم عليه خوتي للرخومي
الخوه اللي فيك تلحق ملاحيق = مالي بها والله غفور رحومي
=الشاعر غازي بن رويعي الحربي

يالجمس وجه مغيب للشمس للديـره=دش المريـوه وسـامـوده تعـداهـا
ودش النفود العريضه واطلب الخيـره=ا ضرب على عرقهـا حتـى تمثناهـا
والياضربت السهال وجـت زوابيـره=هذاك خشم الدخـول وسـج يمناهـا
وتلقاء الفويلق شعيبن في محاديـره=تلقى القطاء والحباري حول ممساهـا
وخط المهرب يبين من عثاميره=وهبايب الوقت حدته وتحداها
تذكر عبيد زايد ساعة عصيره=يوم الونيتات تطرب من تولاها
ومع السحيراء يشوق الجمس تصويره=حلي شيخـن يعـد القـوم باسماهـا
والياخـذا ساعـة هـدت مواطيـره=يلفي على اللي يهز القلـب طرياهـا
دارن عليـه كثيـراتـن مشـاويـره=وغازي مع الوقت شيـب ماتنساهـا
سفرني الوقت منها دون تاشيره=وقرا عليه ضروفي قبل لاقراها
=غازي رويعي الوهبي