مساعد ضعيان * عقيل السامود

15-09-11, 01:32 PM

السلام عليكم ورحمة الله وبركاته
وكل عام وأنتم بخير

مشاركتي اليوم هي قصيدة للشاعر / عقيل السامود البدراني وردي عليه

الشعر دونه حما والدر دونه حما =والبحر من يغطسه والدر من يلمسه
الشعرله ذوق حلو ومر ومحرما=الحلو اجيبه وخل المر في محبسه
الله يغربلك يالمسة لسان الجما=ضوت لها كلمتن من قدلها مرمسه
بعض الرياجيل لازهب سلاحه رما=اتصيب ولاتخيب الطلقه المفلسه
وإن كان جتني هديه من يدين اكرما=لاجتني امخمسه تاترجع امسدسه
اعرف عدود الروى وعرف رسوس الضما=ماني مهندس ولا كن خبرتي هندسه
عد الروى كل ماكثرت وروده زما=والرس لاخضه الغراف خض ايبسه
مادام عيني تشوف البيض يم السما = ثوبن ماهو من مقاسي مستحيل البسه
ياكثر حذري من الدب النشيط العما=والحيه الزاحفه والعقرب المسلسه
الله خلق لرجال من الرجال أخصما=والشعرله موهبه العلم له مدرسه .

وهذا الرد على الشاعر / عقيل السامود

حطيت ميسمك وسط النار لين احتما=ياقشر حض الغشيم اللي يبا يلحسه
ياعود غير الجبر ماعاد فيه ازعما=ايامك اللي تبيها عوج ومقوسه
الي على ساس شيدها وصب الغما=يضحك على اللي بناله بيت ماسيسه
انته وأنا ياعقيل نعرف اهل ضرما=بس انت يالنرجسي ماتترك النرجسه
يامدور الدر عند اللي يمص الدما=ياقشر حضك وياصغره ويامنحسه
لكن جرب وسوق القافله ربما=اللي عباته متين البرد مايونسه
اما وجاه اصدقا ولا وجاه اغرما=صدام لاضاق باله لد لمسدسه
خيل المرازيق غارة فوق خيل ادهما=ياقوم ياللي مع الساقه يعن افرسه
وشعيل حمله ثمان اطنون ماله كما=كسر ظهور الجمال اللي لها هجرسه

أخوكم / مساعد ضعيان البدراني