ديوان الغاز ابوهليل

ويش رجلن لابغيت اسمه تجيبه=تسبق اسمه بنت ساكنتن وطاها
من يهوز البنت عود بالغليبه=واصبحت مثل العلم محدن نساها

ياويش عذرى ماتجيد الكلامي=جابت خبر مجهول محدن درابه
علمن جهل به مدعين العلامي=الي قليل الدين يحسب حسابه
عذرى ولاتاكل جميع الطعامي=غير الذي موته تحقق صوابه

ياويش بنتينن تحت سقف السماء= يفرح بهن مشتاق ويزعل من رحل
دورن مضا واليوم في وسط الحماء= ماعاد فيهن لا ربيع ولا محل
الاسم الاول مسكنه عند الجماء= والاسم الاخر كان غادرت المحل

الغز قبل اشرح معانيه ديني =والي يحله يستحق الاشاده
ياويش بنتن لإسمها حافضيني=اسم الذي مشهور فيه الجلاده
شين تكرر وسطها مرتيني=بنتن وحيده بس فيها الزياده

ويشن رجلن كل ماهب الهوى=اختفى مايندرا وين اختفى
له سمين فالبلد ماله مثيل=يضعف القاسي ليامنه لفى
لامسك جسمه على جسمه برك=وان تداوا بالدوى عجلن شفى
ان لقيت الحل هاته وارسله=اعتقد وصفي على لغزي كفى

انشدك عن عذرى تسر الناضرين =لاشيبت بالسيف كلن جالها
تذْبح وتصْلخ واهلها مستانسين=سبت شقاها سببوه عيالها

ويش عذرى لاتهش ولاتنش =كل صبح وكل ليل تمرها
اذكر الي في قفا خله يحش =مرته بالرمز مخفي سرها

إن كان به جمهور للغز جبنا=نروي ضما العشاق والله كريمي
وإن روح الجمهور وش له تعبنا=الراحه نصف القوت قولٍ قديمي
انشدك عن عودٍ شبابه نكبنا =وسط البلد لازال عنتر يقيمي
ولع فتيل النار واوقد حطبنا=والنار تالع من دقاق الهشيمي
لولاه وقت اليوم محدن غلبنا =معروف للعقال والي فهيمي

انشدك عن رجال معروف باسمين=ناسن تبي فرقاه وناسن يبونه
بعض العرب لاجله تسوق الملايين=ولو ينعرض بالسوق مايشترونه
سمي الاول غايه للى حريصين=والاسم الاخر كلكم تسمعونه

فيه لغز ياعرب حله سهل=غير شاعر مايحله مستحال
ويش رجلٍ مبتدي عصر الجهل =ماتغيب حاضرٍ طول الليال
تاصفه بعض العرب شهد العسل= والسبب وصف الغضي فوق الخيال
كان صدت الحل ذا( ...........)=وش بقي ياصاحبي حل السؤال