أكسر خشمه

يافالح الطيب لزوم تحشمه= وتقدره مادام طيبه راهي
اللي فعوله كل ابوها دسمه=ولكل طيب ٍ تاجده متناهي
يقلط وياخذ في يمينه قسمه=ويفزع بماله وان طلبته جاهي
ويصدق ويافي ويتزايد عزمه=طبعه كريم ولايعرف يضاهي
هذاك يلزمك اتفاخر بأسمه=وياجب عليك تشجعه وتباهي
والا الردي لا والله أكسر خشمه=بقرب عصى والا بيالة شاهي
ماهو معزك لو تكابر جسمه=عن واجبه وقت اللوازم لاهي
وجهه يجي بارد وبيّن رسمه=وجهن مابين القوم دايم فاهي
حطه على يسراك ماله لزمه=وخله يتيه الدرب دامه تاهي

ِ

الشاعر الكبير

حمدي العوفي

يشرفني اكون اول من رد على القصيده الشامخه

بشموخ جبال الهملايا

وشموخ شاعرها الكبير حمدي العوفي

بيض الله وجهك ياراعي الجزاله

وشهادتي فيك مجروحه لكن يكفيني شرف

متابعة جديدك

تحياتي وتقديري لشخصك الكريم

صح الله ألسانك يا شاعرنا حمدي العوفي لا عدمناك .......

الشاعر الكبير


سعد المحمدي


وأنا لي الشرف ايضاً بوجودك وبمتابعتك

يابو تركي

وشهادة شاعر بحجمك وسام يالغالي

الف شكر لك من القلب على

كرمك ونبل أخلاقك

صح بدنك وبيض الله وجهك



تقديري لك

يا مرحبا فيك اخي الغالي والشاعر القدير حمدي العوفي وصح الله لسااااااااااانك على هذه الدره

وبيض الله وجهك وكتبت وأجزلت يا جزل دمت ودام ابداعك الرائع

اخي تقبل تقديري واحترامي

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

اخوي الشاعر القدير ...حمدي العوفي
صح لسانك والله يبيّض وجهك ..على هذه الشامخه اللتي اتت من
شموخك انت لاهنت
حاولت اقتبس بيت اوبيتين ووجدة ان القصيده تحتاج الى اقتباس وتركتها كما هي افضل
لأن من الافضل .يكون الأفضل في محله
...لاهان راسك ياحمدي

تحياتي وتقديري لشخصك

الاخ الشاعر القدير


بدر الحداري


صح بدنك والف شكر لك على مرورك العطر والمميز


ولاهنت يالقرم



تقديري لك

الاخ الغالي

والشاعر القدير


محمد عبد الكريم الغرابي

صح بدنك وبيض الله وجهك على مرورك الرائع

وعلى كلماتك الطيبه فألف الف شكر لك

على وجودك المميز




تقبل شكري وتقديري ،،،

الشاعر القدير
حمدي العوفي


صح لساااااااااااانك مدد بليااااااااا عدد


جزله من راس جزل


تحيتي وتقديري