قلبي وديرة أحبابه

البارحه هلت دموعي على خدي=ومن لامني جعل دمع العين يبلابه
ماودي أبعد عن المحبوب ماودي=ولاودي قلبي يفارق ديرة أحبابه
ديره بها شايبي والخال والجدي=ديره بها المصطفى مدفون وصحابه
ديره بها راحت النفس وبها عدي=من بير زمزم وكل الخير تزهابه
مع السلامه ياطيبه والهوى ضدي=مع السلامه وذا حكم القدر جابه
في ذمتي ماني بقاوي على الصدي=لاكن مكتوب والمكتوب نرضابه
وأنا وجودي وجود اللي جبر يدي=تكتب بيوت ٍ وداعيه على بابه
أقفيت عنه واشوف الحال متردي=ودموع عينه تهل وقطع ثيابه
وانا تراني كفيف ولا لي مقدي=اجمع شتات الطفوله وتقدابه
ياموتري طالبك لاتحن وتهدي=ماعاد هي لحية ٍ نرجع وراء لطابه
مع السلامه وانا دمعي على خدي=والحي لابد يرجع ديرة أحبابه

صح السانك وبيض الله وجهك
ورد با السلامة

ياخوي يااحمد القصيد ليس مجرد قافيه ووزن فلابد من انسجام المعنى


انت هنا تقول :

ديره بها راحت النفس وبها عـدي
من بير زمزم وكل الخير تزهابـه
مع السلامه ياطيبه والهوى ضـدي

بير زمزم رمز لمكه المكرمه
لكن مع السلامه ياطيبه <<< سويت لنا نقله قوووويه


وبعدين تقول انك كفيف وتسوق سياره ماشاءالله تبارك الرحمن


ومني لبقية مستشاري الشعر


تحيتي

العنود صح بدنك ولاهنتي على المرور

	المشاركة الأصلية كتبت بواسطة محمد عبدالله البدراني

	ياخوي يااحمد القصيد ليس مجرد قافيه ووزن فلابد من انسجام المعنى انت هنا تقول : ديره بها راحت النفس وبها عـدي من بير زمزم وكل الخير تزهابـه مع السلامه ياطيبه والهوى ضـدي بير زمزم رمز لمكه المكرمه لكن مع السلامه ياطيبه <<< سويت لنا نقله قوووويه وبعدين تقول انك كفيف وتسوق سياره ماشاءالله تبارك الرحمن ومني لبقية مستشاري الشعر تحيتي

ارحب ياخ محمد يسعدني مرورك ويسعدني أكثر وجهة نظرك

لو كانت بس في محلها

يوجود في المدينه المنوره أماكن وبيار وخزانات للمياه زمزم اعلم ان البير موجود في مكه ونحن يااخ محمد لانتكلم بما لانفقه

وهنا للتوضيح فقط الكفيف ليس كفيف الاعين ياستاذي


النقد يثلج صدري للمعلوميـــه إذا كان في محلـــه

أحترامي للوجهة نظرك

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

	المشاركة الأصلية كتبت بواسطة أحمد سليمان الجابري

	ارحب ياخ محمد يسعدني مرورك ويسعدني أكثر وجهة نظرك لو كانت بس في محلها يوجود في المدينه المنوره أماكن وبيار وخزانات للمياه زمزم اعلم ان البير موجود في مكه ونحن يااخ محمد لانتكلم بما لانفقه وهنا للتوضيح فقط الكفيف ليس كفيف الاعين ياستاذي النقد يثلج صدري للمعلوميـــه إذا كان في محلـــه أحترامي للوجهة نظرك

السلام عليكم ورحمة الله وبركاته

واقول صح السان الشاعر


ولدي مداخله وليس اعتراض على القصيده

انما لي تعليق على الناتج عن الحوار

بنسبه للعد اللي سبق بير زمزم با القصيده يدل

على ان المقصود البير وبير زمزم المعروف معروف مكانه

ويعتبر معلم من المعالم الثابته كا هداج تيما وغيره


والكفيف حسب معلوماتي هو انسان ولد وهو لا يرى
واخوي احمد اراء انك لم توفق في توضيف ماتريد

با الصوره الصحيحه هذي وجهة نظر ولاهو بكيد انا على حق

يمكن ماعندنا سالفه ليش لا الكل يخطي تحياتي

صح السانك وأعتلا شانك يا أحمد

قصيدتك طيبه وأنت أطيب

وملاحظات الربع الي أعدوها ماتذرب القصيده قصيدتك طيبه وباقي القصيده يشفع لما عدوه الأخوان الافاضل

أما كفيف أتوقع أن الشاعر مايقصد بها أنه كفيف اعيون يمكن كفيف قلب من هوى أو شي

المهم أني اقول أن الأخ احمد الجابري له هدف بتوصيل رسالته وانا لاحظت أن الأخ يدخل المنتدى وينزل قصيدته في

القوافي وفي ديوانه ويمشي وهذا دليل انه يريد توصيل رسالته لمن يتابعونه

بارك الله فيك اخي احمد

دمت بخير

صح لسانك
..
..
أسجل اعجابي بالقصيدة
..
ويعطيك العافيه
..

,
,
,
صح لسانك وعلا شانك
والله يعطيك العافيه على القصيدة الجزله
بيض الله وجهك
مع التحيه