غطرفي يابنت قومي ورقصي يأم الجديل

السلام عليكم ورحمة الله وركاته

/

/

/


هذي الابيات ارسلها علّي عمي اخو ابوي الكبير وعمره فوق 75 عام
ورديت عليه بي ابيات مثلها وقصيده
واتمنا ان تنال رضاكم

/

قال عمي

يافايز أنشدك له حق القريب في المواجيب =ولا كما غيره انا انشدك وانتم تفهمونه
الزول له ظن في العربان يخطي فيه ويصيب = واللي من اول مابين الناس حال الوقت دونه
واليوم في وقتنا هذه كثرة فيه الاصاحيب = والوقت طيب وكل الناس راحو يتبعونه

وهذي القصيده التي قلتها بي هذي المناسبه

بسم ربً مستوي فالعرش ذو ظلاً ظليل = خالق الكون الرحيب سبحان في خلقه عجب
لو نقول اللي نقوله ماوصفنا الآ القليل = هيبته منها ملوك الأرض تصفق بالركب
أبتدي بسمك وبسمك حسبنا نعم الوكيل = تغفر اذنوبي وتمحي كل ذنبً منحسب
من بعدها يا هجوسي حظر الحرف الجزيل = مثل ماقال المثل فالشعر ديوان العرب
شاعرك راعي جزاله حتى لو بحرك طويل = لآ كتب حرف القصيد وزان قافه بالطرب
غطرفي يابنت قومي ورقصي يُأم الجديل = جونا جونً عليل وطاب شعرك والأدب
غطرفي ثم ارقصي لو كان مهرك مستحيل = مايهمك ولايهمك عاشقك شاعر شنب
حافظ دروب الجزاله ماني بعابر سبيل = كان مانرُد الطلب وش فايدت دز الطلب
شاقني شوق الخليل اللي معاتبله خليل = من بعد قال القصيده حرفها كله عتب
مرحبابك مرحبابك يالاصيل ابن الاصيل = ياعمود البيت يغلى من الجواهر والذهب
لك معزه في خفوقي مثل ابو فايز مثيل = غاليً وابوي غالي مثل عيني والهدب
ودّكم في جوف صدري مايشابهكم نزيل = ماتعبّر به حروفي من ضميري منسكب
جمليّني ياحروفي خففي حملّي ثقيل = بغتنم فرصه وجتني من قبل شب الحطب
منك ياعم السموحه كان عن دارك أطيل = فالغياب ويشهد الله العتب فيني وجب
أحكم بحكمك رضيته وابشر بحمّلي أشيل = مانكّل ولا نمّل ولآ تعذر بالتعب
غايتي واقصى مناي ارضاك ياراع الجميل = والله اني مابغيت اسبب لعمي غظب
ميّر ياعمي مقدر والقدر ماعنه أحيل = والنصيب ليا رفض وش حيلتي كان انكتب
ليتها ياعم توخذ بالغصايب والصقيل = كان ياعمي نجدّ الخيف لآ جاد الرطب

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

يـعـطـيـك الـعـافيـــــــــــة
صح لسانك

لاهنت وصح السانك

تقبل التقدير والاحترام

وفقك الله

	المشاركة الأصلية كتبت بواسطة رابح الجحدلي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

اخوي رابح

صح بدنك

وشكرا على المرور الرائع

	المشاركة الأصلية كتبت بواسطة محمد صالح الجحدلي

	يـعـطـيـك الـعـافيـــــــــــة صح لسانك

وصح بدنك اخوي محمد

وشكرا على المرور الرائع

شـاعــرك راعـــي جـزالــه حـتــى لـــو بـحــرك طـويــل
لآ كـتــب حـــرف القـصـيـد وزان قـافــه بـالـطــرب

شاعر جزل ومتمكن
وابيات في قمة الروعه والجمال
شهادتي فيك مجروجه
صح لسانك ودام ابداعك الغير مستغرب

الله الله رد وافي
يافايز لاهنت قصيده جميله جداً

دام عزك ودام وصلك لعمك
ودمت بخير وسعاده
لك مني اجمل تحية وتقدير

الاخ العزيز شاعرنا الغالي فايز المحيسن سلمه الله


حفظك الله وحفظك عمل وادام صلة الرحم


مليون صح السانك

وعلا شانك


لافض فوك

ولاعدمناك يابو ماجد


تحيتي وتقديري

الاخ العزيز ...الشاعر القدير ...فايز المحيسن
صح لسانك وبيّض الله وجهك على ها القصيده الجزله
رديت رد وافي وكافي ..وعزالله ان الوفى طبعك وطبع اللآبه
اللي انت منهم ..اللآبه اللي انت منهم ..اعرفهم عز المعرفه
وعاشرتهم عشره تبيّض الوجه ..وعلى العز والمعزّه اقولها صادق يافايز

مني اغلى التحايا وفآئق التقدير..لك ولهم