سلام تسليم العرب والجدايد0 الى الشاعر القدير حفيد الحجيري

ابدى بذكر الله الصمدّ احدّ واحد = اللي غشى سحابته رعد وبروق
سلام تسليم العرب والجدايد = حروف معناه على الطيب مطروق
يابو علي الله على القول شاهد = ولا يعلم النية من الناس مخلوق
يابن الرجال الوضع بالنفس زايد= وزادت بنا الدنيا على عوقها عوق
لاشك مثلك من رجال الشدايد = لك منزلة باخلاقك اللي سمت فوق
حيرة على ماشفت والجو سايد = في وقت بعض الناس باديه مدروق
يبدي لك الطيبّ وقلبه معاند = عكس الذي يبديه للحقد معشوق
الوقت منه الفكر والذهن شارد= كني بهالدينا على كف مصفوق
لوشفت حالي قلت للوعي فاقد = من غُث بقعاء صرت بالحيل محروق
متقوية تجلب علينا النكايد = في وقت طيبك يصدمه خُبث مطبوق
يابوعلي والعين خير الشواهد = فالمجتمع شافت وكم حكي منطوق
ياحر بعض الناس كب العوايد = لاعاد له فالحق ولا يكمْل حقوق
الله عسى من كان مفسد وفاسد= ويسئ بين الناس يموت مشنوق
عطني مقاصدهم وانا جيت قاصد= لك ياحسن بعد الفكر صار مخنوق
وختامها عداد قايم وقاعد = صلوا على من كان صادق ومصدوق

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

الشاعر بخيتان صح لسانك وبيض الله وجهك
والشاعر حفيد الحجيري شاعر من الشعراء الجيدين
له ولك تحياتي وتقديري

صح لسانك يابو محمد وبيض الله وجهك

ولي عوده بإذن الله

لا عدمنا ابدااااااااااااااااااااعك

جزل يابومحمد ماتجيب غير الجزله
استاذي الشاعر بخيتان البشري
صح لسانك على هذي الجزله
وفي انتظارالشاعر حفيد الحجيري
وهو شاعر متمكن وجزل

لاهنتم ولا هان حضوركم الكريم
احترااامي

صح الله لسانك
ولاهنت
وسلم فكرك وبنانك
دمت برعاية الله وحفظة

جزل يابومحمد ماتجيب غير الجزله
استاذي الشاعر بخيتان البشري
صح لسانك على هذي الجزله
وفي انتظارالشاعر حفيد الحجيري
وهو شاعر متمكن وجزل

لاهنتم ولا هان حضوركم الكريم
احترااامي

صح لسانك يابومحمد
ابدعت بهذي الرائعه
وصح لسان حفيد الحجيري مقدماً
وهو شاعر جزل ومتمكن
ومن خيرة الشعراء واسعد كثيرا بما يطرحه
من ابيات قوية ذات قيمة معنى
والله يبيض وجيهكم
تحياتي

	المشاركة الأصلية كتبت بواسطة بخيتان البشري

	ابدى بذكر الله الصمدّ احدّ واحد = اللي غشى سحابته رعد وبروق سلام تسليم العرب والجدايد = حروف معناه على الطيب مطروق يابو علي الله على القول شاهد = ولا يعلم النية من الناس مخلوق يابن الرجال الوضع بالنفس زايد= وزادت بنا الدنيا على عوقها عوق لاشك مثلك من رجال الشدايد = لك منزلة باخلاقك اللي سمت فوق حيرة على ماشفت والجو سايد = في وقت بعض الناس باديه مدروق يبدي لك الطيبّ وقلبه معاند = عكس الذي يبديه للحقد معشوق الوقت منه الفكر والذهن شارد= كني بهالدينا على كف مصفوق لوشفت حالي قلت للوعي فاقد = من غُث بقعاء صرت بالحيل محروق متقوية تجلب علينا النكايد = في وقت طيبك يصدمه خُبث مطبوق يابوعلي والعين خير الشواهد = فالمجتمع شافت وكم حكي منطوق ياحر بعض الناس كب العوايد = لاعاد له فالحق ولا يكمْل حقوق الله عسى من كان مفسد وفاسد= ويسئ بين الناس يموت مشنوق عطني مقاصدهم وانا جيت قاصد= لك ياحسن بعد الفكر صار مخنوق وختامها عداد قايم وقاعد = صلوا على من كان صادق ومصدوق

صح لسانك ابو محمد وبيض الله وجهك

وايك ردي المتواضع علّه ينال الاستحسان منك ومن المتابعين

والمعذره على القصور

وآنا بعد مبداي حسب العوايد=أبدى بذكر اللي على العرش من فوق
اللي تعلّى اسمه بكل المسايد=اللي لنا في ذكره الحصن و الطوق
يا مرحبا ترحيب قايد بقايد=عدد ما خطنّ الأقلام و يفوق
بك يا ولد عمي يا عزّ السنايد=من قلب صافي كالعسل في حلا الذوق
جتني حروفك من جزيل القصايد=وانا قصيدي للجزيلين مطبوق
جتني حروفاً جوفها الجمر قايد=من وقت مطروده ما لك فيه ملحوق
وقتاً يسيره صعب واليسر كايد=وقتاً موازينه من التحت للفوق
يا ولد عمي جندي اليوم رايد=وعقيدها لجنديّها اليوم محقوق
واللي وصفته لي فالأبيات بايد=ماهو جديد ومثله معبيّ السوق
يا كثرهم لكنّ ما شي فوايد=يا ليت ليّا حكم وأسوقهم سَوق
سَوق القطيع ولا بهم عنه زايد=بالعكس أنا أفضِلّ عليهم حدا النوق
اللي يكنّون البَغَض والحقايد=وبلا سبب ما ودّهم بالك يروق
حتى فيوم العيد قبل المعايد=تبدي خبيث النيّه اللي بها تحوق
لن سلتني ذولا سواة الزوايد=والزايده لو ما برت حُوقها حَوق
أشناب لكن لابسات القلايد=أخَيْر من شارب من العرف محلوق
مقصودها قلّ السنع والنقايد=شوري حرام بمثلها لدّة الموق
هذي حروفي جتك والأوفّ سايد=مكسور والاهداف ما بينها فروق
وانته مهاجم فذّ من جيل رايد=بندقك ما تخطي و مركزك مرموق
تمت و صلوا عد صوغ الفرايد=صلوا على محمد صلاةً به تلوق

وسلامتكم

الله الله الله الله

صح ألسنتكم وبيض الله وجيهكم

إبداع رائع من أبو محمد

ورد جمييييييل من أبو علي

لله دركم يالنشاما

لا خلا ولا عدم


لكم خالص التقدير