صفات فتاة الأحلام (البنات إلهم طبايع يالعقيد=قم تخير في كسيرات الجفون)

السلام عليكم ورحمة الله وبركاته
"
"
"

قصيدة موجهة للمقبلين على إكمال نصف دينهم
أحببت أن أوشحها ببعض صفات فتاة الأحلام
والحمد لله مجتمعنا وفتياتنا فيهم الخير الكثير
وإليكم ياكرام

أقبلت ترقص على حرف القصيد=الهجوس اللي على زين اللحون
بعد سجيت الفكر في كل صيد=واتخير فالسمان وفالبدون
أبدع الفكرة ومعناها جديد=وارسم اللوحة بها من كل لون
يانديبي فوق شيصان الحديد=وارد الإحدعش مرغوب الزبون
يطوي الإزفلت وفالصحرا فريد=صنع نصراني بدعه من الجنون
أوصل اللي فالمكارم له رصيد=جنبي الأيمن وسيفي فالحزون
ثم قله اسمع العلم المفيد=ومن سمع من من يعزه ما يهون
من يكمل نصف دينه به نشيد=سنة المختار ماعنها شطون
والأصيلة من تخيرها سديد=والبنات ابهم عوالي وفيه دون
الأصيلة من منابتها تجيد =مير خضرات الدمن فيها الطعون
وقبل ذلك دين فالعذرا وقيد=والجمال إن كان تبحث فالعيون
ماقصدت وساعهن ما ذاك أريد=قصدي اللي عن سواك تغض نون
والملاحة خير والطبع الحميد=ولا حياة مع لجوج حت بطون
وأحذر اللي بالعباة إلها وديد=ماتخلي بيت ما فوقه تمون
عندها أخبار القريب والبعيد=وماتخلي سر في حرزه كنون
وأضفر بنت المكارم يالجويد=لا لفاك الضيف تلقاها مزون
تكثر الترحيب ودلالك تزيد=من بهار الهيل ولوجهك تصون
بنت شيخ فاللوازم ما تحيد=تنجب اللي مثل خاله إلك عون
وإن لفيت البيت كنه يوم عيد=ماتزن ولا تون ولك حنون
البنات إلهم طبايع يالعقيد=قم تخير في كسيرات الجفون
وأنصت لقولي ترا قولي وكيد=والتحية والسلام إلكم تكون

صـــــــــــــــــح لسانك ملايين فواز ,درر تتلألأ, ودمت في سماء الشعر مبدع.
لاهنت.

صح لسانك شاعرنا الرائع فواز الزويهري

وقصيده جزله من راس شاعر جزل

بيض الله وجهك

وراقت ي كثيرا

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانـكـ وعـلا شانـكـ ...


رائعـة من روائعـكـ ... كما عودتنــا ....


لا عدمنـــاكـ يالغالي

صح لسانك وعلا شانك
اخوي فواز الزويهري
ابدعت وتالقت بهذي
الجزله
لاهنت

صح لسانك
..
..
أسجل اعجابي بالقصيدة
..
ويعطيك العافيه ..

	المشاركة الأصلية كتبت بواسطة العقيــــــــد

	صـــــــــــــــــح لسانك ملايين فواز ,درر تتلألأ, ودمت في سماء الشعر مبدع. لاهنت.

صح بدنك يالنشمي

وسلم غاليك والله يبارك فيك

شاكر لك مرورك الكريم

لك خالص التقدير

صح السانك يافواز

قصيده رائعه بروعة حضور صاحبها

تقبل مروري


ودمت بخير

صح لسانك وسلم بنانك



قصيدة رائعه بروعة حضورك



لك تقديري