الصــــــــــــــداقــــــــــة

الصداقة لو بنيناها على معنى الصداقة = لاتفكر ياصديقي تنوجد في كل صاحب
الصداقة سامية فيها مواثيق وعلاقة = ترتبط باللي ملكها لين يوضع بالنصايب
لا تحسّب من عرفته لو يكون من الرفاقة = إن معرفته صداقة لو ابوه من القرايب
او هذاك اللي بشوفك فيه نوع من اللباقة = مصلحة وليّا قضت بتقول فيه الظن خايب
او صحيبٍ كل مدحه كذب وملفق لفاقة = وانت عارف كل مدحه لو حصرته فيك سايب
لاتوهق ! فيه صاحب صحبته هم وحماقة = وفيه صاحب لو ضحك في داخله جمر ولهايب
وفيه صاحب لاعرفته كل ودك حوق حاقة = ثم بادل كل معروفك وطيبك بالنشايب
ولا يطّول لين ترجي حزة(ن) فيها فراقه =بعد ماجيته وناره طافية ماله هبايب
وفيه صاحب لك منافق وانت ماتكشف نفاقه = يقِبِل بجانب ولارَوٍح يقفي لك بجانب
اختصرت ولا حصرت مواصفات اهل الأعاقة = زوروا اسم الصداقة في زمن كله عجايب
وفالنهاية للبداية وسقوا هذه وساقة = ذي حقايق للصداقة صاغها شاعر وكاتب
ثبتوها بالواسقة ماقصدت الحق لحاقة=الصديق اللي صدوق وصادق بكل الجوانب
الصديق اللي كما شمس الضحى لاجات فاقة=وقت ضيقك فللوازم ما يحسب للحسايب
والصديق اللي ينبه لاكتشف بك شي واقة= ما يستِر في رفيقه شي شافه كان عايب

[/quote]

الشاعر الرائع

بخيتان البشري

صح لساانك مليون على القصيده الجزله
وعادتك الابداع والجزااله
والله يعطيك العافيه

بخيتان البشري

صح لساانك على القصيده
لاهنت

صح لسانك يالنشمي

وبيض الله وجهك

قصيدة جميلة وجزلة من شاعر جميل

لك خالص التقدير

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

شاعرنا بخيتان البشري
صح لسانك وبيض الله وجهك قصيدة جزله
من شاعر جزل لاهنت :
تحياتي

	المشاركة الأصلية كتبت بواسطة بخيتان البشري

	الصداقة لو بنيناها على معنى الصداقة = لاتفكر ياصديقي تنوجد في كل صاحب الصداقة سامية فيها مواثيق وعلاقة = ترتبط باللي ملكها لين يوضع بالنصايب لا تحسّب من عرفته لو يكون من الرفاقة = إن معرفته صداقة لو ابوه من القرايب او هذاك اللي بشوفك فيه نوع من اللباقة = مصلحة وليّا قضت بتقول فيه الظن خايب او صحيبٍ كل مدحه كذب وملفق لفاقة = وانت عارف كل مدحه لو حصرته فيك سايب لاتوهق ! فيه صاحب صحبته هم وحماقة = وفيه صاحب لو ضحك في داخله جمر ولهايب وفيه صاحب لاعرفته كل ودك حوق حاقة = ثم بادل كل معروفك وطيبك بالنشايب ولا يطّول لين ترجي حزة(ن) فيها فراقه =بعد ماجيته وناره طافية ماله هبايب وفيه صاحب لك منافق وانت ماتكشف نفاقه = يقِبِل بجانب ولارَوٍح يقفي لك بجانب اختصرت ولا حصرت مواصفات اهل الأعاقة = زوروا اسم الصداقة في زمن كله عجايب وفالنهاية للبداية وسقوا هذه وساقة = ذي حقايق للصداقة صاغها شاعر وكاتب ثبتوها بالواسقة ماقصدت الحق لحاقة=الصديق اللي صدوق وصادق بكل الجوانب الصديق اللي كما شمس الضحى لاجات فاقة=وقت ضيقك فللوازم ما يحسب للحسايب والصديق اللي ينبه لاكتشف بك شي واقة= ما يستِر في رفيقه شي شافه كان عايب

الله............الله

والله وصفت وجزلت يا ابو محمد
صح لسانك وبيض الله وجهك قصيدة جزله
من شاعر جزل لاهنت

شاعرنا الكبير بخيتان البشري

انشهد انك صادق يا بخيتان ...

وصح لسانك وبيض الله وجهك

وما هي غريبه عليك

ابو بتال

صح لسانك يا بو محمد انت على رايي فيك جزل ومواضيعك في الشعر مميزه

صح لسانك يابخيتان
انت شاعر لك وزنك في طرحك ومعانيك ومواضيعك
مميز دايم يابخيتان