وين شعرا الملتقى

متعب العمري, محمد راضي العريمه, مهجرس الحرف,, المخلفيي, الشلياني, الصييفي, السهم الحربي, الكحيلة, ابو حرب العمري, ابوخالد الفريدي, ابوديمه, ابوشهد, ابوهليل, بندر البشري, حميدان العوفي, حمدفهيدالحربي, خالدفهدالحربي, حرب, جريح الفرقا, رابح الجحدلي, سعد المحمدي, نداء الغيداني, طلال المعبدي
لكل هذه الاسماء العزيزه والغاليه وكل ضيف سجل مروره نقول صحت ابدانكم وبيض الله وجيهكم تشرفنا وسعدنا بتواجدكم ومتابعتكم ومروركم النير لاعدمناكم والمحاوره بدونكم لاطعم ولا لون لها الله يحفظ الجميع وتقبلو جزيل شكري والتقدير

غازي الزغيبي =
ياسلامي سلامٍ فيه وقفـه وطيحـه=فيه وقفة صديق و طيحة للمعـادي
جيت لديس ناوي حلبتي للمنيحـه=وعترضلي قصير اذراع والجو هادي
مضحي بن جمران=
مرحبا من هجوسٍ حركة للقريحه=حركة للقريحه لاجلكم يالمنـادي
دام مانته بناوي يالسنافي تبيحه=ليه ماتنزره يابو العيون الحدادي
غازي الزغيبي=
البقى ياالمرحب من هجوسٍ صريحه=يدحم القوم جنبه بين ظلعـن ووادي
انزرته فضيحه وان تركته فضيحـه=ان تنفرزت غادي وان تهاونت غادي
مضحي بن جمران=
مار تفداك ياغازي اليدين الشحيحه=ماتساوى بمدتها جميـع الايـادي
ازرع الطيبه لاجل الوجيه الفليحـه=تقدح الراي من راسك ورايك سدادي
غازي الزغيبي=
القضيه جديـده بيـن غـزه وريحـه=وانت تدري وش اللي صار بين النوادي
الكذوب المحرض يعتزي باخو ضيحـه=وابشرنـي نكبتـه باالكـلام الوكـادي
مضحي بن جمران=
هوشة اخوان ماظني وراها مديحه=ولايسجل بها طوله ولاهي جهادي
من يحرث عن السكين مثل الذبيحه=ضيعه راسه الطايش كثير العنادي
غازي الزغيبي=
امرس الغرب يامضحي وقطع سريحه=والسواني تثنت وانت عنها حيـادي
مانطحة الطراقي للفرايـح صبيحـه=مير ابن هن ماوده بدرب القصـادي
مضحي بن جمران=
السوالف تـراء ماهـي بدايـم مليحـه=مير لاتجيب يوم العيـد قبـل العيـادي
انت يالسبـع مايزملـك ذاك وضبيحـه=وانت صيدك ماهو عصفور فوق العرادي
غازي الزغيبي=
انت طيب ضغينه لك دلـولٍ سميحـه=والعرب ياالعبون القزوعي مع عبادي
فيه ريعن يجيني منه ياشيـح ريحـه=وانت تدري بسرج الغوج غير الشدادي
مضحي بن جمران=
قبل صدام يخطي والعرب مستريحه=جعل ماجيرته جيرة قصير المهادي
يمكن انا على شانه نشوت الشريحه=ويش خانة علاقه ماتحفظ المبـادي
غازي الزغيبي=
يابن جمران هز ارشاك والغرب ميحه=لاتعود علوم القـوم مـزح ودوادي
لاتطش الشريحه وانت تاجد نصيحه=وبك خصمي قريب في عقاله يـرادي
مضحي بن جمران=
ماعلى القارمه من رسم الاجواد ليحه=ولاعليهم صباح ولاعليهم هجـادي
ومن وقع فالمعارك له عيونٍ تصيحه=يابن الاجواد انا ماني وكيل العبادي
غازي الزغيبي=
استبيحك بحاجه لـو ماهـي رجيحـه=غامضه في ضميري وانت شاعر سدادي
منهو اللي يضحي والضحيـه نطيحـه=غير ذاك المسمى باالكـذوب الربـادي
مضحي بن جمران=
خل صدرك كما نجد العريض الفسيحه=وسع الصدر لو حداك يارجل حـادي
فرق بين الوجيه الفالحـه والقبيحـه=وراعي البيض مايرهم عليه السوادي

شكرا لك يابو احمد وصح السانك
وبيض الله وجهك
وقبيل العاقل دايم مرتاح
الله يستر عليك ويوفقك ويكثر من امثالك

وشكرا للحضور جميعا بدون تخصيص

صح الله السنتكم وبيض الله وجيهكم طاروق ولا احلى منه

ابداااااااااااااااع مكتمل الجزاله

	المشاركة الأصلية كتبت بواسطة حربي الأسياح

	صح الله السنتكم وبيض الله وجيهكم طاروق ولا احلى منه

صح الله بدنك وجهك ابيض يابن راشد ولاعليك زود واجزل منه هذا المرور النير لشخصك العزيز

	المشاركة الأصلية كتبت بواسطة علي حاسن

	ابداااااااااااااااع مكتمل الجزاله

تواجدك مكمل للابداع يابو حاسن سعدنا بهذا المرور النير لشخصك العزيز لاهنت

أبو طلال و أبو أحمد

أشهد لله شهادة حق انكم شعار كبار و لا فيكم حيله

هذي المحاورة مثال للرد المميز الذي يحتذى به

صحت قلوبكم و السنتكم و بيض الله وجيهكم

مبنى و معنى


لا هنتوا

	المشاركة الأصلية كتبت بواسطة الصييفي

	أبو طلال و أبو أحمد أشهد لله شهادة حق انكم شعار كبار و لا فيكم حيله هذي المحاورة مثال للرد المميز الذي يحتذى به صحت قلوبكم و السنتكم و بيض الله وجيهكم مبنى و معنى لا هنتوا

مستشارنا القدير ودكتورنا الفاضل ابو الوليد شهادتك وسام لنا نفخر ونتنومس به وصح الله بدنك والله لايهينك ولا عليك زود سلمت ودمت

صحت السنتكم