الـــــطرررريـــق الصــعــــب

الصعب يبغاله مزاهيب واخفاف=وانا مشيتك ياأصعب الطرق حافي
الشوك زلن لي والظلمه إلحاف=والنور من قل التوافيق طافي
مامعي غير العزم نامي بالاطراف=يعينني ويزين من نظم قافي
فما وقفت بموقف الشعر صياف=وإلاوقفت بموقف الشعر لافي
يافكرتي وان كان ماني بحواف=تبطين ماقالوا لي الناس وافي
لومقصدي بالوقت للساحه انضاف=انضفت مبطي والشعر ثوب ضافي
لكن ودي من ضمن بعض الاهداف=اقول قولن ماتجيه السوافي
الشعر صحراء صيد والصقر خطاف=وانا الذي باعلى المراقيب صافي
اول بيان النادره عندي تشاف =افزع لها قدام تصل الملافي
القى بها عزه وقيمه وميقاف=وتذود عني بالمتن والسخافي
ماكنها الابندقن مالها اوصاف=ان زهبت بين العداء قلت كافي
إلياذبحت ولاكسرت تسرف إسراف=تبري لهيبن بين الاضلاع خافي
تبقى مع اهل العز وتعين الاشراف=اللي بغوا من حكمتي قول شافي
ارقى مدام الشعر مرقيني سناف=واجب عليه وقام به بالعوافي
وياجب علي ارقىبه بكل مشراف=مرقى الذهين المستذيب السنافي
اللي ليامنه بدا ينطق القاف=شب الحريقه ماتفيد المطافي
ماهوبحاجة منتخى يبغي اسعاف=فكره براسه للوساويس نافي
ارقى واجاز بمثل واحسن كالاسلاف=وهذا بحد الذات للرجل كافي
صعب وطويته باءذن ربي بلاخلاف=بالعزم والحكمه جعلته خلافي

[table1="width:95%;"]

صح بدنكــــ شوووووق نجد
يسلموووا ع مروركــــ العطـــررر

قصيده رائعه
اخوي شاعر مخلف
صح لسانك وعلا شانك
ابدعت
بهذي الجزله
احترااامي

راااااااائعه من رااااااااائع

الأخ شاعر مخلف

صح لسانك وعلا شانك وبيض الله وجهك

ابدعت يالغالي

لله درك

تقبل اجمل التحايا

ودمت ودام ابداعك

شاعر مخلف
انا اشهد انك جزل
قصيدة جزله وكل بيت فيها يعتبر قصيدة
اسجل اعجابي لكل بيت بهالقصيدة
وصح لسانك وبيض الله وجهك

سعووووديه

ابن خير الله الردادي

سالم البشرررري

صح الله ابدانكم
والله لايهينكـــم ع المرور العطرررر

صح لسانك مليون على القصيده
والله يعطيك العافيه
بيض الله وجهك

صح بدنكـــ يارابح الجحدلي
وشكرا ع مروركـــ العطرررررررررر

تـبـطـيــن مــاقــالــوا لــــــي الـــنـــاس وافــــــي


لا والله الا وافي

ووافي

ثم وافي


انت وصياف ولافي


صح كلك يا مبدع