سلام يا للى يطرب القلب معناه

سلام يا للى يطرب القلب معناه=ولايا وقف يسواله الفين رجال
وين انت يا اللى توصل العلم منهاه=نبغى معك مشوار يا طيب الفال

صح لسانك والله ودي العب معك لكن تدري عن الموضوع
طاروووق ابداع سراحه

صح الله لسانك ودي اللعبك معك لكن مثل مانت عارف انا وبدر ماسكين شوش بعضنا

يا مرحبا بك يا ابيض القلب و اهلاه= من شفت هذا مطلبك جيت بالحال
ابشر بحضرة واحدٍ ذي سجاياه= قد الطريق و أظهر اللّي على البال

من يوم جيتم كل حبلا ورد ماه=فيك البقى يا مروى لكل خيال
واللى تعذر الله اليوم وياه=المقبلات احسن من اللى على الحال

يالله عسى عدّ الرّوى يروي رعاه=بنتيجةٍ يفخر بها كل الاجيال
لو هو تعذّر كان عذره قبلناه= جرّ الجريره ثم عن دربها مال

راع الوفى من ساس ربعا مسماه=وعد الروى مضمون من غير ميال
واللى تعذر مالنا ومال طرياه=عطنى علومك كلها قصار وطوال

ما عندنا شكٍ بذولا و ذولاه= و عساه بيرٍ يرتفع ماه الى سال
خلاص انا معاد لي شي ابغاه= أما علومي كلها عال في عال

لاوالله إلا روح مقيط ورشاه=وين انت ياللى تصرف ريال بريال
الظاهر انى رحت في ارض مضماه=قامت دلي الربع تضرب على الجال

مقيط ما يقبل من الشعر أدناه= لو شاف معنى جاب ردِّه و لو طال
ورّدت نفسك للمهامه و الاكراه=مدام ما قدمت خطّه للاعمال