|| مرت ثلاث سنين والعين شابت ||

السلام عليكم ورحمة الله وبركاته
اسعد الله اوقاتكم بالخير والمسرات ،
ماجاد به الفكر ،

ياسعود شفت الوضع مافيه مصلوح=مرت ثلاث سنين والعين شابت
لو إن صبري من عنا الوقت له روح=تشوف روحه يابن الاجواد ذابت
لي مع هجوس الليل ذكرى بها جروح=تسري معي واليا أصبح الصبح غابت
وصدري مراكيب الشقا فوقه تفوح=لين الضلوع من اللواهيب عابت
ماباقي إلا دمعتن دونها صروح=واخاف لاشافت كدرها استجابت
مد الفرح في مقبل العمر مشحوح=والشوك له فـ/أرضي وسوم ومنابت
والي يبدي لي من الهرج منصوح=اقول له نفسي من النصح طابت
مدري متى برتاح من كثرة النوح=وابقى على كـيـد المتاهات ثابت
بالمختصر وضعي من الهم مفضوح=واحلام عمري بين صابت وخابت
وباب الفرج من رب الارباب مفتوح=هو الوحيد الي له الخلق هابت
وانا من الضيقات ماودي أبوح=لكن عيوني من عنا الوقت شابت

صح الله لسانك يابناخي

قصيده جزله

صح السانك
لاهنت

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

ابدعت يالوسيدي

صح لسانك

رائعه لا تستغرب

تقبل تحياتي

	المشاركة الأصلية كتبت بواسطة لازم اسجل

	صح الله لسانك يابناخي قصيده جزله

صح بدنك يابعد راسي

شاكر لك مرورك العذب

لك جُل تقديري

صح لسانك يالوسيدي

الشاعر القدير سامي الوسيدي



صح لسانك

رائعه لا تستغرب

من شاعر جزل ومتمكن

الله الله...عليك ياسآمي....شهادتي فيك مجروحة...لكن لا يستغرب الإبداع من اهله...
صح لسانك...وسلم ذوقك...

	المشاركة الأصلية كتبت بواسطة غازي الزغيبي

	صح السانك لاهنت

صح بدنك يالزغيبي ولاتهون

شاكر لك مرورك العذب

لك جُل تقديري