الوضع كايد مابقى غير الاحلام

احد الاصدقاء الذي كُتب عليه أن يكون من ضمن قائمة العاطلون بسبب شح الوظائف طلب مني صديقي أن أكتب قصيدة عن وضعه وجاءت كـ التالي :
قالوا تنام وقلت شلون ابنام – هو ياجماعه تقبل النوم عيني
قالو علامك قلت بالحيل منضام – تعبت واسهر والحزن محتويني
ضايق وهذا الحال عام وراء عام – من سبّة اللي ضيّق الكون فيني
ادرس واحسب ان الفرح دوم قدام – واثر التمني مات بالمسلميني
النفس ملت والصدر كله اوهام – والناس ماترحم ولالي عويني
اللي تخرج مالقى حتى الايدام – فقر وبطاله حال ماله وزيني
امّا قعد بالبيت مأسور الاوهام – والا انحرف عن مسلك الطيبني
طالت امانينا على روس الاقلام – نصبر ونصبر وكل شيئ يشيني
واليّا صبرنا حظنا طاح ماقام – تعومست دنياك وطار اليقيني
هذا تراه الحال في طول الايام – من دون شرح وكلنا عاطليني
اليّا هرجنا ماوصلنا للاعلام – من دوننا باب وقفل مكيني
هذا تراه الحال في بصمة إبهام – قلوبهم من يمنا ماتليني
اسلوبهم يرزع على دربنا الغام – وعن حقنا صدوا بها غافليني
الوضع كايد مابقى غير الاحلام – والوقت مايرحم ولا هو يعيني
تطاولت دنيا العنا والشقا دام – وبقعنا تلعوزنا بغبر السنيني
شمس التخرج كاسفه من ورا العام – ولافي سمانا نجم واحد يبيني
اتحطمت كل السلع دام الارقام – اكبر واعلى من طموح اليديني
الله واكبر ياتصاريف الايام – والله واكبر ياطموح اليديني
تكفى يابو متعب ترى الوضع هدام – وانته ابونا عزنا يالعويني
حنا بذراك اليوم يانسل الاكرام – ياملتجئ المضهود في كل حيني
يافزعة المضهود ياعز الاسلام – يالمنهل العذب القراح الثميني
انت الامل بعيون من بات منضام – وانت الامل في مقبلات السنيني

بــــدر العياضي

انت الامل بعيون من بات منضام – وانت الامل في مقبلات السنيني

مبدع ورائع والله يححق التوفيق لكل عاطل

شكرا لك

الاخ بدر صح لسانك عسى صدى صوتك ياصل ابو متعب راع العطى
قصيده تحكي الواقع تحياتي وتقدير الله يوفقك بالوضيفه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح السانك وبيض الله وجهك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك بدر العياضي