( الزير مايخسر بناخيه شيبون )

/
/
/
/
/
/
/
/
/
/
/
/
/
/
/
/
/
/
/
/
/
هذه القصيده كتبتها إلى احد الاصدقاء ولم اطلب منه رد

خالد عن الـزلات ماخـذ مناعـه=ماهمه الحسّـاد مهمـا يحسـدون
ولا همه اللي طيب الاجواد باعـه=مايلتفـت للنـذل خابـره ملعـون
شايم عن النقصان عنـدي قناعـه=ان الذي مايعمل الطيـب مجنـون
وان التسرع والغضب به فضاعـه=واهل الخطا لابدهـم يـوم يبكـون
ولو لا بـلاه بطيشتـه واندفاعـه=الزير مايخسـر بناخيـه شيبـون
والتاجر اللـي مايغـش البضاعـه=رزقه حلال ومكسبه منه مضمـون
واللي مع العربـان زايـد خداعـه=محسوب من زمرة كلنّتن وشمعون
وان صار همّي زايد ٍ في جراعـه=اشكي على اللي عنده السر معلون
للواحد القهـار مااشركـت طاعـه=من بعدها بشكي على شهم دنّـدون
يانايف اشـرح قصتـي للجماعـه=يمكن على قلـب المولـع يحنـون
حيثك حكيم الـراي تملـك براعـه=يرضخ لك المقوي لو يكون فرعون
هذا ولا ياخذ معـك ربـع ساعـه=موضوع خلاّ خاطري منه محـزون
ماودنـا عنهـم تزيـد القطـاعـه=ويفرح بها ناس ٍ من البعد يهنون
وانا بذيك الناس عنـدي طماعـه=قلب العنا بالزين مبلـي ومغبـون
اللي وصلني منـه خـط الطباعـه=وشلون يكتب خمسه انقاط للنـون
ماهـو قريبـك دم ولاّ رضـاعـه=لكن عليه اضـن تامـره وتمـون
سهمك مع الاجـواد زاد ارتفاعـه=مليون في مليون يزداد مليـون
وانا اعرف الفزعه دليل الشجاعـه=ومن صاحب الاجواد لايمكن يهون
واعرف ذياب الضلع واعرف سباعه=وعقلي يميز بين عبله وميسون
في حرب ولا في قبيلـة قضاعـه=سلم العرب يبقى مقدّس ومصيـون
خليك همزة وصل بيـن الجماعـه=ومن قام بالواجب مجمّل وممنـون

الشاعر / خالد بن عبيد بن معتوق ألأحمدي

صح السانك على القصيده الرائعه

الله لايهينك
تقبل مروري

صح لسانك
قصيده جزله ومعبره
بانتظار جديدك
تحيتي

والتاجر اللـي مايغـش البضاعـه=رزقه حلال ومكسبه منـه مضمـون
صح لسانك ياصقر المراقيب
تمتلك قريحه عذبه جدااااا
لاهنت ياخالد

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

ناصر القصيري
الف شكر لك
وصح بدنك

صح لسانك وبيض الله وجهك قصيدة رائعة ,,,

ناصر القصيري
صح بدنك
والله يعطيك العافيه

صح لسانك حتى ترضى

ولـو لا بـلاه بطيشتـه واندفاعـه الزيـر مايخسـر بناخيـه شيبـون
والتاجر اللـي مايغـش البضاعـه رزقه حلال ومكسبه منـه مضمـون
واللي مع العربـان زايـد خداعـه محسوب من زمرة كلنّتن وشمعـون
وان صار همّي زايد ٍ فـي جراعـه اشكي على اللي عنده السر معلـون

خالد الاحمدي
صح لسااانك
وبيض الله وجهك
على هذا الابداااع
لاهنت لاهنت
وانت طيب واصلك طيب

وننتظر جديد ابدااعاااتك