مجارات للقصيده جميله ورائعه

اعجبني هذا الشاعر وللاسف لا اعرفه ولم يذيل اسمه تحت القصيده وبيوته شدني قويه ورائعه وحبيت اجاريه رائعه كروعه صاحبه صح لسانه الف
ويعذرني وارجو يسمحلي على مجاراته

لاتنشدين الغصن وش فيـه ذاوي=مليت اجاوب كل من صاح نشـاد
هذي مـواري علتـي والبـلاوي=وهذي مواري دمعتي حزن وحداد
هذي جروحٍ مبطيـة يامضـاوي=دايم عليها تنزف اجـروحٍ اجـداد
جرحٍ عطيبٍ وازرق الدمع كاوي=وليل الشقى يضرب على خافقٍ باد
جرح الزمن اصبح لقلبي مخـاوي=مثل الرفيق اللي عن الدرب ماحاد
اسير قلبي في همومـة شقـاوي=كنه سجينٍ سيـق للمـوت منقـاد
لاعاد له ضحكٍ ولالـه غنـاوي=ولا له مع العالم تباشيـر واعيـاد
بين الضلوع يجر صوته خـلاوي=يغني اجروحه شقى/هم واسهـاد
وش حيلته لاصار طيـره نـداوي=والوقت جايـر والمخاليـق نقاد
=============================
يا بادع القفيان وللشعر هاوي=خليت قلبي بين نازال وشداد
بيوتن تخلي الذيب يقنب وعاوي=يقنب على راس الطويلات وجماد
ياشكين جرح الزمن والمناوي=والقلب في دقه كما طرق حداد
قلبك عليل ولا لقاله مداوي =والناس بلوى مايخلون الاجواد
قلت الصحيح ولانطقت الهقاوي=انشهد انك شاعرن عندك ابعاد
وانا شبيه بقصتك ومتساوي=بلشت في ناسن به الكبر وعناد
يلومني من في عيونه غشاوي= جرحه سليمن مابه سهوم وزناد
والامر مالي عنه لا اصبح سماوي=ارضى بمقسومي على رؤس الاشهاد
ولا اني بوسط المدن ولا اني قراوي=باليوم اسافر تقل سائق وكداد
ولاني على جور الزمن صرت قاوي=اسج لو عندي طوابير وعباد
شكواي لربأ هو يحل الشكاوي =والعبد مخلوقن من الطين ويعاد

صــــح الســانك


على المجاراه


وصــح السان


فاطمه المطيري

صاحبة القصيده

على ما اعتقد


تحياتي

صح لسانك

ولسان الشاعره

مجاراه رائعه كروعتك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الاخ العزيز عبدالله عتيق الحنيني والاخ العزيز عيسى العوفي والاخ والعزيز الحب الباقي والنعم فيكم واشكركم على المرور والتعليق والاطراء الجميل وصح بدنكم والله يحفظكم بحفظه

صح لسانك يالنشمي

والله يـعـطـيـك الـعـافيـــــــــــة


بيض الله وجهك

	المشاركة الأصلية كتبت بواسطة عيسى العوفي

	صح لسانك ولسان الشاعره مجاراه رائعه كروعتك

صح بدنكم اخي العزيز القدير عيسى العوفي على المرور والتعليق والاطراء الجميل ودمتم بخير

	المشاركة الأصلية كتبت بواسطة رابح الجحدلي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنكم اخي العزيز القدير رابح على المرور والتعليق والاطراء الجميل ودمتم بخير

	المشاركة الأصلية كتبت بواسطة فواز الزويهري

	صح لسانك يالنشمي والله يـعـطـيـك الـعـافيـــــــــــة بيض الله وجهك

صح بدنكم اخي العزيز القدير فواز على المرور والتعليق والاطراء الجميل ودمتم بخير