العتيبي بداها وابن زيد جاراها والختام عند الفريدي

سلام عليكم ورحمة الله وبركآته
مساء الخيرات
هذهِ قصيدة نواف الرويس العتيبي والتي جارها اخوي الشاعر عبدالله العيسى من بني الزيد
وختامها عندي
قصيدة اخوي الشاعر نواف الرويس

ياهجوسي كب صمتك وإكتب بيوت ٍ صداها=ياصل بقيق المكارم والحفـر دار الغنـاتـي
يم ناس بالضماير لو إني بوصف غلاها=يمكن يطول الجدال ولاتكفي مفرادتي
ياهل الطالة دموعي فوق خدي هل ماها=كني الي عاش عمره منكسر عند الغزاتي
والسبب غندورةٍ قفت وقلبي مانساها=كيف ينسى من تمكن حبها في وسط ذاتي
سلت سيوف الفراق وباعت إنسانٍ شراها=والتحفت الحزن حتى صارلي مثل العباتي
مير هاكم مابدعته ياعسى يجلب رضاها=قبل ماتسمع خبرمزعج وتبكي ذكرياتي
وكانها ماقررت ترجع وتوصل من بكاها=قولو إني(لي ثلاث ليال ماذقت السباتي)!
والسبب في كل ليل إحس إني جالسمعاها=و اثرني ضايع عسى الخالق يلملم لي شتاتي
والتقي بالجادل الي حبها يدمح خطاها=واعتنق هام الفرح وارتاح في مجمل حياتي

هذا رد الشاعر عبدالله

يالعتيبي كان قلبك رايحٍ فيها معاها=خل عنك الحب يالصاحب ترى مابه نجاتي
والهنوف الي تشوق العين لابين سناها=خلها مالك ومال العشق وإسمع كل آتي
منته بعنتر عشان تبيع روحك في هواها=لو حلاها مايقارن مع مزايين البناتي
وراعي القلب النظيف يدور لبنتٍ نباها=بالقيام وبالصيام وماتخلف بالصلاتي
راح عمرك ياصحيبي وانت تتبع خطاها=واخبرك رجل كفو ماتتبع المقفي وتاتي
وخذ نصيحة صاحبك ياصاحبي كانك تباها=وإسمع الابيات مني شامخة مثل السراتي
حب شيبانك وعربانك وهذي ماوراها=واترك من الحب بنت بهذلتك من الحلاتي

هذا ردي

نبتديها بالتحايا يومها دارت رحاها=يوم نواف العتيبي ضاع في حب البناتي
الهوى ياصاحبي نواف هو سبت عماها=نفسك اللي مبتليها حب مجمول الصفاتي
لكن إركد ياالعتيبي والجروح أملك دواها=آخر اعلاج الجروح الكي والعلم الثباتي
بيني وبينك شهورن ربي اللي قد حصاها=يعني أكبر منك في شهرين وإسمع ذي وصاتي
إترك دروب العذارى كلها وإلعن ثواها=ماورى طرد العذارى مجد قوم ولاغناتي
إحفظ كتاب الولي جزئين في عم وطاها=عندي أحسن من دنانيرن تجيك مذهباتي
وإستمع سيرت نبيك قدم ربعك به تباها=وإحفظ أوقات الصلاة وأدها وأخرج زكاتي
وعندك أمك أمك إطعها دور رضاها=تحت رجليها جنان الخلد يالله ذي مناتي
إعمل اللي قلت لك ياصاحبي في منتهاها=شوف نفسك كيف تتغير وتشعر بالحياتي

وسلامتكم

صح لسانك ياسلطان وزملائك

قلتم وابدعتم الله يعافيكم

وصح لسانك اللي اكبر منك بيوم اعلم منك بسنة

إحفظ كتاب الولي جزئين فـي عـم وطاهـا
عندي أحسن من دنانيـرن تجيـك مذهباتـي
وإستمع سيرت نبيك قدم ربعـك بـه تباهـا
وإحفظ أوقات الصلاة وأدها وأخرج زكاتـي
وعنـدك أمـك أمـك إطعهـا دور رضاهـا
تحت رجليها جنـان الخلـد يالله ذي مناتـي
إعمل اللي قلت لك ياصاحبـي فـي منتهاهـا
شوف نفسك كيف تتغيـر وتشعـر بالحياتـي

صح لسانك اخوي سلطان

وصح لسان الشاعر نواف الرويس

صح لسنك ياولد رااااااااشد

و صح السنت زملاءك الرويس و العيسى

الله يعافيك وماقصرتوا مساجلة جميلة مع المجاراه ............. تحياتي

صح السانك ولسان نواف ولسان عبدالله
الله يعطيك العافيه
لاعدمناك

صحت السنتكم
والله يـعـطـيـكم الـعـافيـــــــــــة
بيض الله وجيهكم

ياسلام ابدااااااااااااااااااااااااااااااااع


صحت السنتـــــــكم جميعأ وبيض الله وجهيـــــكم


تقبل تحيااااااااااااتي

لاهنتم وصح الله السنتكم



تقبلو التقدير والاحترام



وفقكم الله