لاجيت زراع

بما أننا في موسم أمطار ووقت زراعه
عندي كم بيت متواضعه في الزراعه أريد تتطلعو عليها أتمنى أن تحوز على رضاكم

يافيصل أنا أوصيك لاجيت زراع=لاتزرع ألا اللي مدرها يبشر
أما وسط وادي ولا لها تلاع=والداحمه خير(ن) من اللي منشر
ترى البلاد الطارفه كلها نزاع=يومي لرعيان البهايم توشر
ولاتزرع اللي أرضها صلبه وقاع= بعد المطر تاخذ شهر ماتعشر
جيرانك يسوقون من كل الانواع=وانته يدوبك وسط زرعك تنشر
ولاجا الفند شكيت قلت تعبي ضاع= واما تلوم بشير ولامبشر
ولاتزرع المهاب لو صيتها ذاع=زراعها دايم ملثم مكشر
وليا زرعت أغرم وشمر لك ذراع=والرزق بالهين مهو بالتقشر
ولياسالوك الناس وشلون الاوضاع=لوكان زرعك ماش بالخير بشر
مافيه غير الله جلاب الانفاع=الناس ماتعطي ولاتدفع الشر
والزرع ياتيلك على قد الاسناع=مانته محصل برتقال(ن)مقشر
ولياحصدت الزرع لاتكون طماع=أنفق لوجه الله منها معشر

وسلامتكم

صح الله لسانك ياسامي

مافيه غيـر الله جـلاب الانفـاع =الناس ماتعطـي ولاتدفـع الشـر

الشاعر سامي البلادي
صح لسان كلها درر

	المشاركة الأصلية كتبت بواسطة محمد عويض البدراني

	صح الله لسانك ياسامي

صح بدنك
اسعدتنا بمرورك يالغالي

	المشاركة الأصلية كتبت بواسطة علي الحصني

	مافيه غيـر الله جـلاب الانفـاع =الناس ماتعطـي ولاتدفـع الشـر الشاعر سامي البلادي صح لسان كلها درر

صح بدنك وبيض الله وجهك
شهاده من شاعر بحجمك
يشرف مرورك

وانت سالم وغانم وبيض الله وجهك ياسامي

ولياسالوك الناس وشلون الاوضاع=لوكان زرعك ماش بالخير بشـر

ماهي متواضعه االي شامخه كشموخ شاعرها

تقبل مروري

صح الله لسانك ياسامي

قصيدة في غاية الروعة والشموخ صح الله لسانك اخي القدير سامي وبيض الله وجهك
تقديري واحترامي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

اخي القديرسامي البلادي

صح السانك ودام الله بنانك وبيض الله وجهك

تسلم على هذي القصيده الجزله والرائعه بروعة حضورك الجميل

تقبل تحياتي وتقديري