اذكريني يالعيوـوـوـون النرجسيه

السلام عليكم ورحة الله وبركاته
اسعد الله اوقاتكم بكل خير
مشاركة متواضعة
كلي امل ان تنال استحسانكم

اذكريني لا بغيتي تتركيني = واذكريني دام فيكي روح حيه
القرار اللى وقع بينك وبيني = القرار اليوم مااظنه عليه
ادري انك يا حياتي ما تبيني= والله اني لاغصبك لو هو بيديه
وعلميني وش بقول وجاوبيني = لا سالوني عن حياتي عارفيه
لا سالوني عنك ويني اللى يجيني = علميني وش بقوله للبريه
صارو رداة النوايا طالبيني = عقب الاشكل صرت انا مرغوب فيه
مااطلبوني من غلا او حب فيني = اطلبوني لاجل عرف الآ دميه
اطلبوني واسالوني عن ظنيني =وسالوني عن وصوفك يا صبيه
و الله اني مالقيت لسائليني = كود علمٍ مالقوا له قابليه
الجواب اللى اعرفه في كنيني = ما دفنته بس هو مدفون فيه
الهنوف اللى احبه من سنيني = الهنوف ام العيون النرجسيه
خلت النوم يعصالي موق عيني = لعنبو نوم ٍ نكرني بالمسيه
وصرت الاعب في شمالى هاليميني = وانتظر شوف الغضي صبح وعشيه
مرخص لك ما تعدينه ثميني = مرخصه من شان عينك يا جوديه
وكل بيت بكتبه عيا يليني = والله اني لاجبره وزن وقفيه
يا عنود الصيد يا وجهٍ حسيني = لك ترتب هالشعر بالابجديه
يا عبير الورد فل ويا سميني = كل وصفٍ فيك ما يصعب عليه
اذبحتني في وداعك عبرتيني = العدو لو شافها يستاء ليه
والله اني ما قويت ارد عيني = في دواعك مالقيت المقدريه
والدنيه صار فيها مو تتيني = مت انا فيكي وانتي مت فيه
والنهايه كل ابوها كلمتيني = اذكريني يالعيون النرجسيه

وسلآمتكم
العاني

العذر منكم

بس فيه اخطاء املائيه
وهي
الاشكب = الاشكل
اجربه = اجبره
تحياتي

العاني

صح

صح لسانك


وسلم بوووحك


قصيدة رائعه

صح لسانك اخي الشاعر العاني

وتم تعديلها

وبيض الله وجهك على القصيدة

ننتظر جديدك وروعتك

شآكر

و

مقدر

ويعطيكم

الف الف الف


عـــــــــــــافية

صح لسانك وعلي شانك اخوي العاني

بيض الله وجهك على القصيدة

ننتظر ابداعك

صح لسانك اخي الشاعر العاني

العاني



صح لسانك


وسلم بوووحك

صح لسانك وعلي شانك

بيض الله وجهك على الجزلات الرائعه

الله الله على الأبداع

ياسلام ياسلام

لله درك

العاني صح الله لسانك

وبيض الله وجهك

تقبل تحياتي

ودمت بخير