محاورة ناصر المحياوي الجهني والعمودي

العمودي=
سلام ردية ندرجها على الخط السريع=أسرع من الصاروخ يوم تسير واكتب ياقلم
تنصاك ياناصر وتتوزع على اهل املج جميع=الله عساكم كل عام بخير واكتب ياقلم
ناصر=
يامرحبا ترحيبة الشجعان بالرجل الشجيع=في ساعتن فيها الركاب تغير واكتب ياقلم
جتنا تهانيكم ياهل جدة كما زهر الربيع=وماهي غريبة لجل جدة غير واكتب ياقلم
العمودي=
عسى البقا ياراعي الترحيب والقدر الرفيع=من هاجس أللي يحسن التعبير واكتب ياقلم
وجدة لها ماضي ولازالت كما الحصن المنيع=تستقبل الزوار بالتقدير واكتب يافلم
ناصر=
من طب في سوق الذهب يشري ذهب والا يبيع=وانته حكيم وتحسن التدبير واكتب ياقلم
وأللي برك للحمل يشتاله ولو ما يستطيع=وترى الوفا ماهو كما التقصيرواكتب ياقلم
العمودي=
السوق كلن يعرفه اوسع من البحر الوسيع=وغزر البحر ماهو سوات البير واكتب ياقلم
ومنه بذل مجهود وجهودة يباها ماتضيع=لا يتجه للغش والتزوير واكتب ياقلم
ناصر=
يازين صاحبنا يفوق الوصف لو لا انه لكيع=يبغى على اصحابه يدق الزير واكتب ياقلم
والذيب ياحمد لا حداه الجوع يبتع فالقطيع=وفي حينها مايفيد دهن السير واكتب ياقلم
العمودي=
من راد شوفة صاحبة يترصدة في كل ريع=والعذر ما يقبل بلا تبرير واكتب ياقلم
والذيب ماله في الخلايق لا مجير ولا شفيع=ويهج لو تطلق عليه تصفير واكتب يا قلم