( صارت لي الدنيا كبر عين عصفور )

/
/
/
/
/
/
/
/
/
/
/
/
/
/

خذها يابو غانـم وهـذي حقيقـه=من واحد ٍمايعرف الكذب والـزور
غلاك عندي مـن سنيـن عتيقـه=مكنون وسط اللي بالاضلاع محشور
ياصاحبن بالحـق يغلـي صديقـه=وقت الزمان اللي به سموم ودهـور
يانجم عالي فـوق صاطـع بريقـه=وسط السما زايد به الحسن والنـور
جنحان طيبك فـي سمانـا طليقـه=راع الوفا دايم على الزين مذكور
تربطـك بالحكمـه علاقـه وثيقـه=شهادتك في وقتك استـاذ دكتـور
كيف العمل قلي وكيـف الطريقـه=فاللي قطع وصله على غير دستور
غلاه وسـط القلـب ولـع حريقـه=وحياة من نزّل تبارك مـع الطـور
جلسه معه لوهـي تفـوق الدقيقـه=انسى بها ضيقه لها عدّة شهـور
بعد الهنا عايـش بهم ٍ وضيقـه=صارت لي الدنيا كبر عين عصفور
شخصن شكالك حر فرقـا عشيقـه=ومن خاطب العقال يسمع لهم شور
صاحبك واقـع فالبحـور العميقـه=يامنقذ الغرقـان ماجـور ماجـور
وصلي على اللي قد سلكنا طريقـه=إعداد ما يبنى من بيوت وقصـور

الشاعر / خالد بن عبيد بن معتوق ألأحمدي

جلسه معه لوهـي تفـوق الدقيقـه ********انسى بها ضيقه لها عـدّة شهـور

صقرالمراقيب
ماتنلام عن مجرب
صح لسانك وعتلا شانك
وبيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح اللسانك ياشاعرنا خالد الاحمدي0000000 صارت لي الدنيا كبر عين عصفور
ذكرتني في بيت ل عبيد الفريدي00 وليد امس0 البارح الدنيا عليه فضاها=== اضوق من الابره علا ناظم السلك
الله يعطيك العافيه ويجمعك باالحبيب اايام وليالي 00 مجربين0 تحياتي واحترامي0

,
,
,
صح لسانك وعلا شانك
والله يعطيك العافيه على القصيدة الجزله
بيض الله وجهك
مع التحيه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

ابو عبيد صح لسانك على هذه الشامخه وهذه الدرر الفريده
متألق كعادتك بالنبطي والكسرات وفي كل شيء
الله يعطيك العافيه
لك ودي وتقديري

ابو صقر الحربي
الف شكر لك يابن العم
الضاهر الحال من بعضه

	صح السانك والله يعطيك العافيه بارك الله فيك تقبل مروري

بن فرهود الحربي
سلم غاليك وصح بدنك