اليا تركت الفرض خل النوافل

على خلفية الخلاف القائم بين لبنان واسرائيل على ملكية التبوله والفلافل

اليا تركت الفرض خل النوافل = بعض التصرف منه بالعقل نقصان
ما ينقبل راعيه للحق كافل = ويحتار به طول الزمن عقل الانسان
الارض ضاعت بين طامع وجافل= بغداد عقب القدس من غير جولان
ماهي بتبوله ولحية فلافل = حجم الفقيده ياطبابيخ لبنان
والطبخ ماحداً فيه عالي وسافل = اللي يطلع جوهر الفرق ميدان
اليا متى يالمنهزم وانت غافل = والشجب والانكار موضوع الاعلان
اللي يرد الحق عزم وقوافل = تزحف ومعها زحف ناراً ودخان
وجحافل بالحرب تدحم جحافل = لين انها تصفي لواحد من اثنان
اما فتح باباً مع السلم قافل = والا عساء يقفل مع الباب بيبان
تعلن نتيجتها بكل المحافل = ياعاد زايد ياتقفاه زيدان
والعلم عند اللي للأرزاق كافل = لاقال للي يعجز الناس كن كان

عامر الشدادي

صح لسانك اخوي عامر


قصيده رائعه..

\

ودي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

لاهنت وصح السانك

تقبل التقدير والاحترام

وفقك الله

صح السانك اخوي عامر

صح لسانك كثر حروفها واكثر والله

قصيدة جزلة بالحيل ، وكل قاف احسن من الثاني .

,
,
,
صح لسانك وعلا شانك
والله يعطيك العافيه على القصيدة الجزله
بيض الله وجهك
مع التحيه

صح الله لسانك

وافي وقصيدك وافي لا عدمتك وتواجدك بينا هو غاية امانينا


تحياتي

اخوك

	صح الله لسانك ولاهنت وسلم فكرك وبنانك دمت برعاية الله وحفظة

اخي القديرعامرالحربي

صح السانك وبيض الله وجهك

على هذي القصيدة الرائعه بروعة حضورك الجميل الله يعطيك العافيه

تقبل تحياتي وتقديري