يا الفرم نايف يا ولد محسن الفرم

السلام عليكم ورحمة الله وبركاته
طلب احد ابنا قبيلة حرب من الشيخ منوربن طعيسه ان يطلب من الشيخ نايف الفرم طلب له عند الفرم
وكلفني الشيخ منور بهذه القصيده وبيض الله وجه اخو حسنا ما قصر وعاداته قضاء امور ابنا قبيلة حرب ولاهي غريبة عليه
واليكم القصيده التي امل انها جملتني بتلبية الفرم لموضوعها

يا الفرم نايف يا ولد محسن الفرم = مقدم حمول الخيل سيف القبيله
اليا تقدم لابةٍ سيلها عرم = قدامها ما حاجةٍ مستحيله
يتلون اخو حسنا راع الماقف الصرم = نمرا بها الفسقان مخلي مشيله
مودع رقاب اعداه من قوعها جرم= في حد فسقان السيوف الصقيله
يشوش ياوحى امجادهم شايب هرم = ويروي قلوب اعيالهم با الفضيله
يا خال شيخٍ لابته شعرها ضرم = وافعالها في راس عيطا طويله
ضرم لمدح الفرم والمدح ما حرم = يا صار باسمٍ معه الاسماء قليله
يفداك من يا جيت تستفزعه ورم = لا نافعٍ ربعه ولا ينعنيله
سرد الكلام يمل واليا زبنة ارم = حملك على ضلعٍ يزبن دخيله
يمك لفابي شايب جابني غرم = با الجاه يوم الجاه ماني بخيله
با الفوج له شرفا تبع نايف الفرم = وانا جعلني عند نايف وسيله

صح لسانك


وبيض الله وجهك على القصيدة الرائعة


دمت مبدعاً ومتألقاً

صح لسانك
..
..
أسجل اعجابي بالقصيدة
..
ويعطيك العافيه ..

صح لسانك وعلا شانك
تجملك يابن العم
تقبل مروري

خالد الحصني صح السااااانك قصيده جزله وقلتها بمن يستحق المدح




دمت بخير

خالد الحصني

صح لسانك وبيض وجهك وبيض الله وجه ابن طعيسه ونايف الفرم عسى الله يطول بعمرة ولد محسن مجبول على الطيب

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

السلام عليكم ورحمة الله وبركاته
سلمت ودمت أخوي الشاعر خالد الحصني, على القصيدة .
.
.
جزله ورائعه وصح لسانك
أخوك ابوساره

صح السانك ابو موسى وبيض الله وجه ابن اطعيسه والفرم وجهك يالبناخي

لاهنت وصح السانك

تقبل التقدير والاحترام

وفقك الله