ماهر ابوناب وحمود الجابري

ماهر=
يامرحبا بالجابري والوفا طبع الرياجيل=واللي يكمل واجبه ياهلابه مرحبابه
سوق المعاني سوقها مثل ماتساق الفناجيل=والكيف دون الهيل والبن قلي وش تبابه
..=
حمود=
دام البقاء ياهل الوفاء والكرم والبن والهيل=ودون اللزوم ارجال ورجال في وقت الطلابة
:الحل والترحال للي يدورله محاصيل=بالعز والنوماس مير الفراق الله بلا به
..=
ماهر=
ياحمود لد العين للشام واحرب راعي الفيل=وانتم ذيابه والمعارك تراها للذيابه
ياحرب طال الوقت وانتم على قدي مقابيل=مااحد"يجاوبني تركتوا دياري للنهابه
..=
حمود=
السيل في وقت المطر لا تأخر مكبر السيل=يمشي على ماقيل بالارض وتسيل الشعابه
حنا رجال ولا يجي في لوازمنا مداخيل=وحنا نقود الخيل ياصاحبي وقت الحرابه
..=
ماهر=
ان كان مالله عاننا ياعرب بطيور ابابيل=مااظن فيكم واحد" يعلن فزعتة مثل الصحابه
ياما زهمناكم عساكم تجون الصبح بالخيل=وارهجتوا العالم بكثر المشاكل والنشابه
...=
حمود=
مالك عذر يلي تبى العذر ماشفنا محاصيل=ياصاحبي لك صيت في وقتنا كلن وحابه
جينا ولاكن مالقينا بشر لا روح الليل=يزهم على الأجواد والأدمي مكثر غيابه

صح لسان الشعار

محاوره ممتعه

لاهنت ياابوناب وصح لسانك ومثلها لحمود

ماهر أبو ناب

حمود الجابري

أبداع رائع

صح لسانيكما

وفقكما الله

صح الله السنتكم ياشعار ولاهنتم على النقل

صحت السنتكم
والله يـعـطـيـكم الـعـافيـــــــــــة
بيض الله وجيهكم

اشكر الجميع على المرور

وصحت ابدانكم

وشكراااااااااااااااا