ديوان الشاعر عوض بن ماطر بن بصيص ( الكخ) رحمه الله

[CENTER]

كان الثلاثينات من القرن الماضي كان معظم الناس يبحثون عن مصادر الرزق
في الدول المجاوره وخرج من نجد مجموعه لا بأس بها ومن بينهم شاعرنا رحمه الله , ورجل آخر من عتيبه حميان العتيبي
وفي إحدى الليالي في مدينة الرطبه جاءهم ضيوف نجد الى احد المعسكرات وقصدوا جدي عوض الكخ الذي رحب بهم وقدم لهم الميسور حيث أنهم جاؤا في المساء وإعتذر منهم عندما قدم لهم الأرز والسمن ولم يتمكن من تقديم الذبيحه في نفس الليله..فذهب فورا شاعرنا مع حميان للبحث عن ماسيقدمون للضيوف غدا واثناء البحث تعرض حميان لداب كاد ان يقتله ولكن ربك ستر
ولكن الضيوف لم يعجبهم العشاء وبدأوا يتهامسون وقت النوم على إستقبال الضيف لهم فقام أحدهم بكتابة بيتين من الشعر يشتم بها المعزب وربعه ويقول :
يا عيال شدوا جيشكم وقت الأفجار ..... نبي نفارقهم علـى شقـة النـور
طيبين واطيب مابهم كأنـه الفـار ..... ورجالهم دايم عن الطيب مقهـور
وقاموا بتعليقها على جدار ,, وفي الصباح علم قائد المعسكر بهذه الأبيات
وذهب بها وطلب من شاعرنا عوض الكخ رحمه الله أن يرد عليهم بقصيده ووضع عدة نسخ منها وعلقوها على جدران منازل هذه
المنطقه حتى إشتهرت هذه الأبيات والجميع علم بأمرها ورد عليهم بهذه القصيده :

باديٍ باللي رزق سَيـد وسيـد .. مودع العربان تشكر من عطـاه ياأهل الرطبه لفى علـمٍ جديـد .. من عطا له صوغةٍ يبغى جزاه ياسعود القلـب يفعـل مايريـد .. من حقر ربعي نبي نلعن ثـواه هاقي لي هقوة ٍ ماهـي بعيـد .. ليتهم مافتشـوا جيـب العبـاة خبر اللي بالخـزى رد النشيـد ... عن طوارف حدنا ينزح وراه لعن أبوك الشيخ شراي العبيـد .. مايسب الناس من سبة عشـاه الشحم يستاهله راعي الحميـد ... ماهو اللي بالردى سب أخوياه عندنا حميَان بالهـرج الوكيـد .. عن سواد وجوهكم ربي حمـاه من ربوعٍ مايقلطـون الزهيـد .. كم خروف ٍ للمساييـر إشتـراه ماهو أنتـم يامقلطـة العصيـد .. غطوا المرقوق لا يكشف غطاه قيمته قرشين قصَاص الجريـد ..خاسرٍ ياقوم من هو اللي شراه جوُد المنفاخ يابن اخي سعيـد .. جوُد المنفاخ يزهى لـك سنـاه كان صيدك ياصنفر تقصد قصيد .. إفتش المكتوب وإسأل من قراه ياعضيدي كان رمُـــــوا بالوعيـد .. أنجر القيفان نجــــرٍ مـن صفاه

سبب القصيدة /تضايق من الدنيا بسبب القل وفزعت الرفيق وقال الابيات التالية

الله يامغنى عن الربـع الادنيـن ..يا مسيل وادي المحـل بارشاشـي امسيت انا قلبي حاير بين دربين .. لاصار بين الدولتيـن اختراشـي الزين زين ومقطع الزين من زين .. واللاش لاش ومقطع اللاش لاشي ماهي سوالف مسردن بالدواويـن .. دف الدفـوش دفشــــا دفـاشـي صارت عيال صليب تشرى بعارين .. وانا ثمان سنين مادركــت حاشـي لاجاء شهرنا حضبونا هل الديـن .. دينـار والدينـار تالـــــــى مــعـاشـي لاصار حظك طيب والسعد زيـن ..العافية والشوف والرزق ماشـــي

مناسبة القصيدة الحرب مع اليهود بفلسطين 00فاثناء الحرب كان رحمة الله متواجد باحد الخنادق بارض المعركة مع بقية الرجال النشاما المرابطون في سبيل الله فوقعت عليهم قذيفة بالخندق تسببت بقص البندق الخاص به رحمة الله فسلم ومن معه وفكهم الله00 فطلبو منه خوياة بضرورة كتابه قصيدة بهذة المناسبة واسرد لكم الابيات وهي ضد اليهود وتقول :

اسمع الاخـبار وإن صارت عزيمة 00 بالمجالس يـوم صـار الفور بادي قاضبينٍ بالرسن راس الشكيمة 00 معتلين الكور من فوق الشدادي ياعضيدي صار ليل وصار ديمة 00 خذو اللاقوات والهرج والكـادي يـا مـحـمد يا وقعنا فـي جريمة 00 وأحمد اللى فكنا والحـظ زادي كلهم حـمـران يا مــال الثليمة 00 والعـرب حاسينهم وقت النكادي ولعـت بالمعركة نـارٍهـشـيـمة 00 وأعرف ان النار تاليها رمـادي شيب عيني يوم جونا هل القديمة 00 يوم جـونا كـثر زحـاف الجرادي ثم قـمـنـا قومةٍ تجلي الهضيمة 00 وأصـبـحـت دمانهم مـلي البلادي من يمين اللى يحـوشون الغنيمة 00 كم صبيٍ حاضرٍ عـنـد العدادي قصوا البندق وأنا رجلي سليمة 00 قمت أصوع القوم بكبار الهوادي من قضب له ناس من خـلق رجيمة 00 لازم إنه يذبحه ذبـــح العيادي جتكم الاسلام من كل الوشـيـمـة 00 طالبين النصر من رب العبادي حكمنا بالشرع والسيف العريمة 00وانت ياصهيون شغلك باللحــادي

مناسبه القصيده ا اثناء المعارك مع الترك يقول :

اسمعو من واحد قلبــــــــــه ورود00واركب القاله على ميزانها من عشيره حرب من ثمدى وثمود00والكتائب قاضين اركانهـــا العـــرب بافعالها قامـــــــت تزود00واخلفت سبع الدول بافكارها يوم زحنا الترك من رؤس الحدود00اسئل سيف الدين ويش افعالها المدافع كنهن حــس الــــــرعود00والمكاين واقــــــــــف شيطانها ياعضيدي لاتـــــــحزم بالشرود00والطيور البرق زاد اجفــــالها كان جونا الروس هم واليهود00لا تــــــــدرق بالمره وعيالــهــــا مثل جندوب الجراد مع السنود00مايفـك الدار كــــــــود رجالهـــا والهقانا قدموا غض النهـود00 حزمه بالحرب ماحــــد شالــهـــا يا شريف العز من دور الجدود00وانت عـــز الشعب وعز اوطانها قصوا البندق خبيثين العهــود00وجبت خمسه مثلها وامثالـهــا في هيبه ياسيدي جعله تعــود00والحرايب خابريــن ارجالـهــا

مناسبة القصيدة وهي بفتاه من قبيله الروله واسم الفتاه ((فزه)) واحفظ من القصيده التالي

يا اهل العليا بكم عز ومعزه 00 مشتهين قربكم يـــــــــا الغانمين فز قلبي يوم انا شفت فزه 00 ذكرتني بالهوى ومـــوض الجبين قلبي يالي بــــه نيران توزه 00 احرقت به من شمال ومـــــن يمين عين خشف نازل من راس نزه 00 مـتعب القناص لـــو انــــــــه فطين

الله يرحم الشاعر