( دفــّـــاعة العطفه ) .. شاعر حرب سبيل بن سند الحصني ( رحمه الله ) ..

السلام عليكم ورحمة الله وبركاته ..




شاعر حرب الكبير /


سبيل بن سند الحصني المزيني

غني عن التعريف ولايحتاج لمقدمات سمعت
له هذه القصيده فخر بحرب ووقف شعر راسي ..
اترككم معها ..

يــا عـقـيّـل الـحـربـي تـقـبّـل سـلامــي=اقـبـل سـلامـي وأنـــت سـالــم وسـلــمّ
سَـلـمّ عـلـي ربـعـي جـنـايـب حـزامــي=يـــوم ان كـــلٍ فـــي عـوانـيـه يــزهــم
كـــم خـيّــر ٍ وقّــــع لــهــم بالـبـهَـامـي=اليـا قيـل حــرب وحــرب غـيّـاب نََـعَّـم
لـولا الـوفـا قلـبـه عـلـى حــرب دامــي=قــد نـاوخـوه وقـوبـعـوا كـبــده الـســم
دون الـمـبـانـي وامــهـــات الـيــدامــي=طشوا من اعضوده عشا الذيب الاسحم
دفّــاعـــة الـعِـطــفــه نـهـارالـزَحـامــي=يــوم الـرعـود الـلـي يـجـي سيلـهـا دَمّ
وابـروقـهـا حِـــدبٍ تـقــص العـظـامـي=يــوم ٍ يشيـبـن بــه قنـاصـيـع الاطـــرم
يشـيـب فـيــه الـلــي بـحــل الفـطـامـي=عـلـى حيـاتـه ثـانـي الـحَـول مـــا تـــم
مــن شــوف سِــردٍ ينفـضـن الكتـامـي=فـي عجّهـن مـع زمَــة الصـبـح يــا زم
خــد المـهـنّـد لـــون شـــوط اللـحـامـي=فــي حـومـة المـيـدان والـمــوت خـيّــم
يــــردون وِردٍ لــــوَن وِرد الـظـوامــي=وكــل ٍ عـلـى حــدا الطريـقـيـن صَـمّــم
أمـــا الـشـهـاده مـــا بـعـدهـا مــلامــي=والا يــبــي يـثـنــي خـصـيــم ٍ تــقـــدم
يـبــي يـتـلّـه فـــي مـتـيــن الـخـزامــي=يــوم الـرجـال اجـمـال والـزمـل يـخـزم
عـــادات ربـعــي محتـمـيـن الجَـهَـامـي=عـاداتـهـم هَــدَّامــة الـجـمــع الادهــــم
مـــن دَوَّر الشـيـمـه لـقـاهـم حـشـامـي=لــهـــم تـقـالـيــد ومــلازيـــم وِشــيَـــم
عـاداتــنــا واسـلـومــنــا فـالـسـنـامــي=يــا بـعـدنـا فـــي نايبـتـنـا عـــن الـــذم
واللـي يشـوف المعضـلـه فــي كـلامـي=مـا قلـت انـا المعصـوم اقـول الله أعلـم
مـدحــي لـربـعـي قــارنــه بـاحـتـرامـي=مـانــي غـشـيــم ولانــويــت أتـغـيـشـم
مـانـي بـــذم أعـيــال حـــام ِ وسـامــي=للـنـاس دون احقوقـهـا عــزم واهـمــم
مــن ذم خـلــق الله تـرعــرع وهـامــي=واصبـح طـريـح اوهـامـه الـلـي تـوهـمّ
يـضـرب بقـلـبـه مخطرالـبَـيـن حـامــي=والـنـارفــي روس الـمـراقـيـع تــشّـــم
الــجــود مـايـوجــد بـــــذم الـكــرامــي=ومـن لاحـشـم نفـسـه سَـلَـف مايحَـشـمّ
والـنـاس كــلٍ لـــه مـــزاج وغـرامــي=وحسـن النبـا والخِيـم مِعـطـىَ وُمِـحـرَم
والـلــي حـيـاتـه رونـقــه وانسـجـامـي=أمـــا ظـلــم ولا مــــع الـرونـقــه نــــم
والـكــذب سـمــيِّ لـلـرجـال الـهِـيَـامـي=لـكـنـهــا عــمـــى ٍ قــلـــوب الـمـهَـيــمّ
مايفهـمـونـه عـيــب طـبــع وحـرامــي=وان الاثـامــي مـــن زرعــهــا تــوَثــمّ
والـلـي عـطـوه بمعركـتـهـا الـوسـامـي=قـصــة وفـــا ودلـيّـهـم تــــارد الــجَــم
مــن قــدّم الشلـقـه لــه الـحـق سـامـي=يـضــرب بـكـفـه لـيَــن كــفــه تــعَــرمّ
يـقــدِم عـلــى مـــا قــدّمِــه بالـتـمـامـي=لـلـنـاس مـــا قــــدَّم عـلـيــه يـتـحـيـزم
يعـطـي الـهـلام الـلــي يـمــد الـهـلامـي=مـن خلـقـة الدنـيـا لــو انــه ولــد عــم
هـــذا وأنـــا مـالــي لـــك الله مـرامــي=إلا الــســلام ومـثـلــك الــحــر يـفـهــم
تــــراك فـالـواجــب تــقــوم بـمـقـامـي=سـلّـم عـلـي سَـمْـوَا شبـابـه وُقــلِ تـــمّ
رَبـــع لـنــا فالـمـعـضـلات الـجـسـامـي=مـــن هــــمّ يَـفـرِقـنـا هــــذاك يـتـحَـلـمَّ
يسـرح ويضـوي فـي شعيـب المظامـي=لــو صــاح لـيـن ان الشـفـايـا تـشَــرَّم

رحمة الله على ابوسلمان شاعر حرب الكبير /

سبيل بن سند الحصني المزيني ..

الله يرحمك ياسبيل ابن سنـد

وماقصرت يالغالي

ابدعت بالطرح