(خادم الحرمين الشريفين) حفظه الله

بديت بسم اللي عزيز ٍ جلاله= اللي هدى قلبي لعز الديانات
الخالق المعبود معبد بداله= اللي بليا عِمد شيد سماوات
متكفل ٍ في رزق خلقه كفاله= يسمع دبيب النمل وقت الضلومات
واحد احد ماله شريك ٍ ولا له= والد ولا مولود متفرد الذات
متفرد ٍ بعلى صفات الكماله= اللي نزل في فضله آيات وآيات
ياموعد ٍ في جابته من لجا له= يامنزل الفرقان من بعد تورات
اطلبك يامن نحتمي في ضلاله= احفظ ملكنا من جميع المضرات
قايد مسيرتنا وحنا فداله= حنا لبو متعب حصون ٍ منيعات
اللي من اجل الخير واضح نضاله= بصمة نجاحه في جميع المجالات
مثل سحاب الغيث شوفة قباله= يمطر على شعبه سرور ومسرات
عون الضيف اللي من الضيم جاله= يبذل جهود الخير في كل الاوقات
وعلى جيوش الشر يرمي نباله= بقيادته شعبه على الذل مابات
بينه وبين العز ود اوزماله= القايد المغوار راع الوفيات
باني صروح العلم ضد الجهاله= دايم وهو ساعي لحل العداوات
واللي شغل باله وزاد انشغاله= وخلاه يامر في بحوث ودراسات
حرب الفساد وحرب زود البطاله = واجتثاث الفقر مع بعض الآفات
خذها يابو متعب ولابه جماله= كلمة شرف ماتحتوي للمراوات
انكانها في ضيق ولا سهاله= حنا رجالك بالجهر والخفيات
غرب وجنوب وشوق وايضاً شماله= كل الوطن رافع لحبك شعرات
قالوا عدل قلنا ميزان العداله= ياعزنا وقت الليال الصعيبات
وولي عهدك سدد الله فعاله= عضيدك اللي توكله بالمهمات
اقصد كبير العرف رمز الرجاله= سلطان ابو خالد زبون المروات
يلقى الطلب في لحظته من شكاله= يبشر بسعده من يدين ٍ صخيات
ياكم بذل للخير من عز ماله= يعطي ولا يتبع عطاه بحسوفات
ويدوم عز الشعب ويطيب فاله= في ضل حكام الشرف والشهامات
اخوان نوره وارثين البساله= من يم عود ٍ ضار ٍ بالبطولات
وعلى الذي تمم بلاغ الرساله= اختم كلامي في سلام وصلاوات
اعداد همال المطر من خياله= واعداد مادار الفضا من مجرات

الشاعر/ خالد بن عبيد بن معتوق الاحمدي

باني صروح العلم ضـد الجهالـه
دايم وهو ساعي لحـل العـداوات

نعم صدقت

والله يعزحكومتنا الرشيده

وينصرها عاى من عاداها

وصح لسااانك

وسلم بنانك

جهودك رائعه يالاحمدي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح الله السانك


قصيدة عانقة السماء بجزالتها وأبداعها

تحياتي لك

ألأخوان( عيسى العوفي _ اشكرك على مرورك وسبق ان ذكرت ان العوفان لهم معزه خاصه عندي
وألأخ الحب باقي اشكرك جزيل الشكر
ألأخ / راعي الليل شرفني مرورك)

الأخ الشاعر/ خالد بن عبيد بن معتوق الاحمدي

بيض الله وجهك وصح الله لسانك

ابدااااااااااع شاعر متمكن

لله درك والله يحفظ لنا ملك القلوب

ويحفظ بلادنا

وتقبل اجمل التحايا

ودمت بخير

ابن خير الله
سعدت بمرورك

صقر المراقيب صح لسانك والله يحفظ خادم الحرمين

وكذلك اشكرك على ماذكرته عن عوف ونحن نبادلك الشعور نفسه ياصقر المراقيب

خالد اللهيبي
مشكور والله يديم المحبه
ياسمي

صح لسانك رائع كالعادة وملكنا بستاهل حقظه الله ذخرا للوطن والمواطنين
لك تحياتي