سوق العبيكان

ياليتني ماجيت سـوق العبيكـان=
=لقيت فيه اللـي بعينـه رمانـي
قلت السلام وقال تايـه وغلطـان=
=قلت الغلط في عودك الخيزرانـي
وعيونك اللي رمشهن غصب فتان=
=اسهومهن بالقلب خلف الحواني
قال أنت في راسك مواويل وجنان=
= فارق قبل ماصيح وزهم اخواني
وذليت من علمٍ يجي دون حسبان=
=وأنا رجل ليـه مكـان وكيانـي
وقفيت من سوق العبيكان زعلان=
=عفت التسوق في هذاك المكانـي
ياليتني بيـاع فـي كـل دكـان=
=يمكن علي يمـر جـال الثمانـي
عساه فينا يروف مدعوج الاعيان=
=اللي بمكـوا نـار حبـه كوانـي
أصبحت له مسجون والزين سجان=
=ياناس ويش اللي بحبـه بلانـي
قفـى وخلانـي وحيـدٍ للاحـزان=
=مجني علي وراح بالقلـب جانـي
أجاحد العبرات في كـل الاحيـان=
=مبغى علي أعداي تفـرح ثوانـي
واقول ياسامع كلامـي واللحـان=
=يلعنك ياحـبٍ يجيـب الهوانـي
حب السنين التاليه ياهل الشـان=
=راعيه مابيـن الخطـر والامانـي

	المشاركة الأصلية كتبت بواسطة سعد المحمدي

صح اللسانك ياسعد وبيض الله وجهك
اخوي سعد شاعر له بصمته الشعرية وشهادتي فيك مجروحة
والتنسيق لو ما ناسبك ابشر نغيره
تحيتي وتقديري

الاخ بخيتان البشري
الله يبيض وجهك على التنسيق راعي وفاء الف شكر لك يالغالي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

باللي مضى ذكرتني ياكحيلان= سنين عمري معه واثرها ثواني

صح لسانك ياسعد الله يعطيك العافية على هذه القصيدة
الجزلة والجزل ماهو غريب على شاعر متمكن مثلك :

الاخوان مربيع العييل نافع الحربي مروركم شرف الله يبيض وجيهكم

من ذل فاز والفوز مطلب الجميع يابوعبد الله!!

صح لسانكــ وبارك الله في بيانكــ

ماشاء الله تبارك الله سحابة سحابة!!

ارق وازكى التحايا لقلبكــ

صح اللسانك ياسعد وبيض الله وجهك

الاخ مصلح براك المحمدي
مشكور على المرور يابو زيد وين الغيبيه المده الطويله ارسلتلك قصيده بالبواسل بعنوان نداء عاجل
باذن الله رايح انزلها هنا عن قريب