سلموا لي على مضحي كثير السلام

سلموا لي على مضحي كثير السلام=ردة(ن) كل خلق الله يوحونها
فارس(ن) يسحب الفرسان وقت الزحام=فوق مهرة أصيلة زاهي(ن) لونها

صح لسانك يا ابو سعد

و بانتظار ابو احمد

مرحبا فالمسلم مع عزاز المقام=ردةٍ يغري اهل العرف مضمونها
يامحمد سعد لاهنت يابن الكرام=كل جزله لها يالقرم مثمونها

	المشاركة الأصلية كتبت بواسطة حميدان العوفي

	صح لسانك يا ابو سعد و بانتظار ابو احمد

صح بدنك يابو ناصر وحياك الله وابقاك
اسعدنا هذا المرور النير لشخصك العزيز

الشكر لحميدان العوفي على المرور
والعذر يابو أحمد طلعت لصلاة العصر ودوب اللي رديت
،

البقى ياحشيمٍ من رجالٍ حشام=والعرب بين صاحيها ومجنونها
خيلوا في سحابة أمطرت قوم شام=وأركزت في الجنوب وهلت مزونها

لامشينا على يمه وحسب النظام=وش علينا من اللي طارة عيونها
ارزمت وامطرت والجو كايف تمام=ديمته بالوطا تمطر على هونها

ضني أنه ليا منه غشاها عسام=يقصر الشوف ياشيهان من دونها
كم من بير عورا لاملاها الغمام=تظهر الحية اللي رزت قرونها

كانه اضفى عليها الليل ثوب الظلام=يابيض الوجه قلي وش يسمونها
مابغينا الحلال الحل وزن الحرام=والمخاليق هي ادراء على شونها

صفي جاء متأخر بأخصم عليهم

يستر الله على منه هجع للمنام=لكن الشمس كل الناس يرعونها
والكلام الكلام اللي عليه الكلام=احترس من ذنبها واترك سنونها

يستر الله ولابين الثنين اختصام=الخصيمه نحارب من يثيرونها
انتبه لاتكسر منك تكسير جام=يامحمد تجود في درقسونها