يمشي بي الواجب على الوجه قدّام

يمشي بي الواجب على الوجه قدّام
هذي قصيدة قديمة أيام الغزو الأمريكي على العراق حيث كلفني العمل في
مهمة إلى الحدود الشمالية وقلت هذه القصيدة :

يمشي بي الواجب على الوجه قداّم = حتى ظلام الليل جاله سهومي
من فوق مرعوشٍ ننوشه بالاقدام = جسرٍ على طي الفيافي عزومي
اليا لمسته عن مدا هقوتي زام = قام يتخطّف نابيات الحزومي
كنه اليا حوّل مع النازية ســـــام = بخط الدفاع موجّهٍ للهجومي
احكم تمثاله على نبير الا رقام = اعد فوقه ساريات النجومي
يوم ان كلٍ في حضن صاحبه نام = أنا على قفرٍ بها الذيب نومي
يما جهمنا باوّل الصبح مجهام = ويما سرينا ليل غدرا قحومي
ويما شوتنا الشمس بالشارع صيام = بوجيهنا ننطح لهيب السمومي
ويما دعانا أمر على غير ما يرام = والبوسطة عند المدير مخدومي
من دون ستر وجيهنا نقدم إقدام = ندحر شياطين الكسل بالعزومي
تسوقنا سود الليالي والايام = حتى نذير الموت جاله رسومي
العمر يطوى كل عامٍ بعد عام = يطويه مجهول النظام اللهومي
والله خلق خلقٍ على كل الاقسام = معطى ومحدود العطى ومحرومي
كم من وضيعٍ حطّه المال مقدام = لولى فلوسه ما سوى فص ثومي
وكم من خبيثٍ يلمز الناس نمام = دايم لسانه بالأجاويد يومي
وكم من رديٍّ ناقص العقل لواّم = كلن حصلّه من بلاويه لومي
وكم من ضعيفٍ قدرته عض البهام = لا جاب علم ولا تحذاّ علومي
وكم عاش بالدنيا غريقٍ بالاوهام = مغرور في نفسه سجين الوهومي
وكم نوّ صيفٍ في هقاويك ما دام = معهم عليهم عشرته ما تدومي
وكم عاشقٍ صابه على خله هيام = من حب ترفات الصبايا امهيومي
وكم طيّبٍ ينقلك للطيب همام = شهمٍ لصعبات المراجل يهومي
عزٍّ لربعه كلّهم عنده حشام = ومن حشّم الاجواد صار امحشومي
وكم خيّرٍ من راتب الفقر منظام = ودّه يقوم ولا حصلّه يقومي
وكم من فقيرٍ طاح حضه ولا قام = صار الفريسة للعفون الرخومي
وكم من شباب شب في دين الاسلام = الله هداه لطيّبات السلومي
جليسه القرآن تفسير وحكام = نعم الجليس اللي يبيد الهمومي
وكم كاتبٍ بيّد صواريخ الاقلام = عليه من فن الكتابة وسومي
ولا دام عرش العز للشيخ صدام = طشه زمانه من رفيع الرجومي
أصبح ذليل يهددونه بالاعدام = ما كنه الليث الشجاع الجزومي
يا الله يا للي للمخاليق قسام = تجعل نصيبي من خيار القسومي
يا معطي أبنادم فضيلات الانعام = أنا دخيلك يالكريم الرحومي
لا خير في عيشٍ بلا عز وكرام = يوم المعزّة ينشري بلف يومي
الله من قلبٍ على هاجسه عام = بين المغاليق العرايا يعومي
عن كل مغرورٍ رفع خشته شام = يحق له عن كل ناقص يشومي
شم الهوا بأرضٍ بها شيح وثمام = غضٍ ورقها بالزماليق يومي
وهضبة ربيعٍ فوقها الصيرمي حام = مفرود كحليّ الجناح الردومي
وعشبٍ سحابه بالسماء يرزم ارزام = على رفاع الارض مثل الغيومي
يجلا هواجيسٍ على قلبي احيام = رواسيٍ بقصى الظماير أجثومي
الله على ربعٍ لهم بالشهر زام = اقطع بهم قفرٍ بعيد اليمومي
ومالٍ يصخّر لي صعيبات الاحلام = يطلق سراحي لا سجنّي لزومي
وجيبٍ جديد الصنع من مصنعه تام = عجلٍ مسيره للوعيرة غشومي
ماني بمن يبني له الظل بلحام = يدور حوله بالقراش مخزومي
إن ما سهجته بين كثبان وآكام = يحرم عليّه خوتي للقرومي
اتبع هوا نفسٍ بها قيد والجام = تطلب محالٍ في وطنها معدومي
شب الشباب وشاب وهجارها غلام = مبهم حديده بالرصاص مختومي

نافع الحربي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر نافع الحربي
صح لسانك
قصيده جزله من شاعر جزل واعتبرها شهاده لقائلها بانه شاعر متمرس تخضع له الابيات

واكتمل جمال القصيده بمناسبتها ووقت كتابتها 0 وتصوير رائع لدرجة اني كنت كمن يشاهد

الحدث في ذلك الوقت0 ولايجيد هذا الوصف الا شاعر متمكن0

القصيده جزله وطويله ولكنها لم تفقد ترابطها ولكن استوقفتني كثير من الابيات

من جمالها كانها مطلع للقصيده 0

مع انني لست شاعر ولكن احفظ الشعر واتذوقه واميز السمين والهزيل منه

هنا استوقفتني بعض الابيات اعتبرها عن قصيده0

رغم اعجابي بالقصيده كاملها

فانني اعجبت اكثر بهذين الجزئين منها اضافة الى روعتها كامله0

لااقول الا بيض الله وجهك يانافع انت شاعر ولاتحتاج شهادتي

لان مايشهد لشاعريتك هذه القصيده وغيرها الكثير ولست هنا لتقييمها فاعجابي بها

هو مادفعني للكتابه 00

شكراااا لك وتقبل تحياتي0

يا الله يا للـي للمخاليـق قسـام=تجعل نصيبي من خيار القسومـي
يا معطي أبنادم فضيـلات الانعـام=أنـا دخيلـك يالكريـم الرحومـي
لا خير في عيشٍ بلا عـز وكـرام=يوم المعزّة ينشري بلـف يومـي

الله من قلبٍ علـى هاجسـه عـام=بيـن المغاليـق العرايـا يعومـي
عن كل مغرورٍ رفع خشتـه شـام=يحق له عن كل ناقـص يشومـي
شم الهوا بأرضٍ بها شيح وثمـام=غضٍ ورقهـا بالزماليـق يومـي
وهضبة ربيعٍ فوقها الصيرمي حام=مفرود كحلـيّ الجنـاح الردومـي
وعشبٍ سحابه بالسماء يرزم ارزام=على رفاع الارض مثـل الغيومـي
يجلا هواجيسٍ على قلبـي احيـام=رواسيٍ بقصى الظمايـر أجثومـي
الله على ربـعٍ لهـم بالشهـر زام=اقطع بهـم قفـرٍ بعيـد اليمومـي
ومالٍ يصخّر لي صعيبات الاحـلام=يطلق سراحي لا سجنّـي لزومـي
وجيبٍ جديد الصنع من مصنعه تام=عجلٍ مسيره للوعيـرة غشومـي
ماني بمن يبني له الظـل بلحـام=يدور حولـه بالقـراش مخزومـي
إن ما سهجته بين كثبـان وآكـام=يحـرم عليّـه خوتـي للقرومـي
اتبع هوا نفسٍ بهـا قيـد والجـام=تطلب محالٍ في وطنهـا معدومـي
شب الشباب وشاب وهجارها غلام=مبهم حديده بالرصاص مختومـي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

شاعر بكل ما تعنيه الكلمة من معنى

صح لسانك
..
..
أسجل اعجابي بالقصيدة
..
ويعطيك العافيه ..

	المشاركة الأصلية كتبت بواسطة عـقـيـد الـخـيـل

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

هلابك ياعقيد الخيل وصح بدنك ووجهك ابيض :

	المشاركة الأصلية كتبت بواسطة خالداللهيبي

	الشاعر نافع الحربي صح لسانك قصيده جزله من شاعر جزل واعتبرها شهاده لقائلها بانه شاعر متمرس تخضع له الابيات واكتمل جمال القصيده بمناسبتها ووقت كتابتها 0 وتصوير رائع لدرجة اني كنت كمن يشاهد الحدث في ذلك الوقت0 ولايجيد هذا الوصف الا شاعر متمكن0 القصيده جزله وطويله ولكنها لم تفقد ترابطها ولكن استوقفتني كثير من الابيات من جمالها كانها مطلع للقصيده 0 مع انني لست شاعر ولكن احفظ الشعر واتذوقه واميز السمين والهزيل منه هنا استوقفتني بعض الابيات اعتبرها عن قصيده0 رغم اعجابي بالقصيده كاملها فانني اعجبت اكثر بهذين الجزئين منها اضافة الى روعتها كامله0 لااقول الا بيض الله وجهك يانافع انت شاعر ولاتحتاج شهادتي لان مايشهد لشاعريتك هذه القصيده وغيرها الكثير ولست هنا لتقييمها فاعجابي بها هو مادفعني للكتابه 00 شكراااا لك وتقبل تحياتي0 يا الله يا للـي للمخاليـق قسـام=تجعل نصيبي من خيار القسومـي يا معطي أبنادم فضيـلات الانعـام=أنـا دخيلـك يالكريـم الرحومـي لا خير في عيشٍ بلا عـز وكـرام=يوم المعزّة ينشري بلـف يومـي الله من قلبٍ علـى هاجسـه عـام=بيـن المغاليـق العرايـا يعومـي عن كل مغرورٍ رفع خشتـه شـام=يحق له عن كل ناقـص يشومـي شم الهوا بأرضٍ بها شيح وثمـام=غضٍ ورقهـا بالزماليـق يومـي وهضبة ربيعٍ فوقها الصيرمي حام=مفرود كحلـيّ الجنـاح الردومـي وعشبٍ سحابه بالسماء يرزم ارزام=على رفاع الارض مثـل الغيومـي يجلا هواجيسٍ على قلبـي احيـام=رواسيٍ بقصى الظمايـر أجثومـي الله على ربـعٍ لهـم بالشهـر زام=اقطع بهـم قفـرٍ بعيـد اليمومـي ومالٍ يصخّر لي صعيبات الاحـلام=يطلق سراحي لا سجنّـي لزومـي وجيبٍ جديد الصنع من مصنعه تام=عجلٍ مسيره للوعيـرة غشومـي ماني بمن يبني له الظـل بلحـام=يدور حولـه بالقـراش مخزومـي إن ما سهجته بين كثبـان وآكـام=يحـرم عليّـه خوتـي للقرومـي اتبع هوا نفسٍ بهـا قيـد والجـام=تطلب محالٍ في وطنهـا معدومـي شب الشباب وشاب وهجارها غلام=مبهم حديده بالرصاص مختومـي

هلابك يابو أحمد وأشكرك على هذا الأطرى الذي أعتبره تاج على راسي
من شاعر له صولات وجولات في الأدب وأعتبرك أستاذ لي يابو أحمد لاهنت

	المشاركة الأصلية كتبت بواسطة بخيتان البشري

	صح لسانك مليون على القصيده والله يـعـطـيـك الـعـافيـــــــــــة بيض الله وجهك شاعر بكل ما تعنيه الكلمة من معنى

هلابك اخي العزيز بخيتان البشري أشكرك على مرورك
العطر ويسعدني ويشرفني ذلك لاهنت

شم الهوا بأرضٍ بها شيح وثمـام=غضٍ ورقهـا بالزماليـق يومـي
وهضبة ربيعٍ فوقها الصيرمي حام=مفرود كحلـيّ الجنـاح الردومـي
وعشبٍ سحابه بالسماء يرزم ارزام=على رفاع الارض مثـل الغيومـي
يجلا هواجيسٍ على قلبـي احيـام=رواسيٍ بقصى الظمايـر أجثومـي

شاعرنا الجزل والمبدع نافع الحربي صح لسانك على هالدرر
الثمينه وبيض الله وجهك جزاله وابداع منقطع النظير سلمت ودمت

	المشاركة الأصلية كتبت بواسطة سالم الفريدي

	صح لسانك .. .. أسجل اعجابي بالقصيدة .. ويعطيك العافيه ..

هلابك اخي العزيز سالم الفريدي أشكرك على مرورك
العطر ويسعدني ويشرفني ذلك لاهنت