خلوها

عد مالاح برق الخير قبله وشام =ياسلامي على اهل الطيب والمرجله
جيت اشارك وانا حربي وربعي حشام =عزوتن بالملاقا تكسب الاوله

صح السانك وننتضر زميلك

يالمسلم هلا بك وعليك السلام = عند ربع لهم بين البشر منزله
عندنا لك محبه ثابته واحترام =كلما ودك تقوله تفضل قله

صح السانك ابو خالد


كلام جميل
عندنالك محبه ثابته واحترام كلما ودك تقوله تفضـل قلـه

ياسلام عليكم



واصلوا متابعين

اخي الشاعر ابن مثال الخويمضي حياك وصح السانك وبيض الله وجهك

وايضا اخي الشاعر ابوخالد الفريدي صح السانه وبيض الله وجه

تقبل تحياتي وتقديري

ابن مثال ماجاء الله يستر عليه

مع هل العرف والمعنى يزين الكلام = ياعميلٍ تعرف العلم ماتجهله
جرت شعيل في وسط البلد يوم حام =باقيه بالبلد والظاهر مطوله

انت تفهم وتدري لكن انك تنام =ثم تجي تتبع الجره وش المسأله
جرة اشعيل تبقى ياعزيز المقام= والمراقب يراقب روح له واسأله

الشاعر ابن مثال الحويميضي

والشاعر خالد الفريدي

محاورة جزلة ورائعة وشعار رائعين

صح الله السنتكم وبيض الله وجيهكم