يا قراح انته بشر لاهماج ولاقراح

اشكر الجميع على مرورهم العاطر وردودهم المشرف

صح لسانك ياشاعرنا العلم علي الحصني وصح لسانك زوميلك الشاعر الجزل قراح الحربي
لاهنتم على هذا الابداع والجزاله وهذا التميز الرائع سلمتم ودمتم وادام الله لكم هذا الابداع ودمتم فالوجود
وتقبلومني صادق ودي وتقديري واحترامي

اشكر الجميع على الردود الجميله

علي الحصني:

يا قراح انته بشر لاهماج ولاقـراح=القراح اللي يرو الكبـود الضاميـه
ويش رايك كان قمنى وجربنا السلاح=طلقتن وحده تشوف العرب متراميه

قــــــــــراح الحربي:

مرحبا ترحيبة ما بها لعب ومـزاح=تكسر اعظام التريبه وتبقى ساميـه
السلاح اسلاحنا كان برق الوسم لاح=ودي اجروح المعازيب تبقى داميـه

علــي الحصني:

لاتخليها تروح على خـف وجنـاح=حتم المرسام ولا اشلـع الرساميـه
السلاح سلاح من يحتزم دون المراح=ياقراح ادرأن ما كل الاسماء ساميه

قـــراح الحربي:

كل ما قلنا صراحه تنطحنا الصيـاح=من بلاد فـي بلدنـا تسمـى ناميـه
ان سكتنا لبسوا راعي العرجى وشاح=وجابة العرجان عنها الرفاقه عاميـه

علي الحصني:

الصراحه واضحه والضياح من الضياح=اتـرك الارقـام لمحطـم الارقامـيـه
كان ماعدت السنه ماضمنا لك نجـاح=وكان عدت تشوف روس الجبال الزاميه

قــــراح الحربي:

اعرف ان النجم بين مثل نور الصباح=ينتظر تصفا السما ما عليكـم كاميـه
كل ما هام الطويله وشاف الورق ناح=قال انا من روس ربعن هم الحكاميه

عــلي الحصني:

ما نقول النجم طالع ولاشفنـاه طـاح=والرشاش ان رش ماسيئل المرزاميه
رشمة الماذون توجد على صك النكاح=تحكم الحكـام لـو حكمهـا ماداميـه

قــــراح الحربي:

يكفي انه يملك السيف والسم الذحاح=حالة الهامل بعد ضربته متواميـه
جامع الثنتين والختم وضبي البراح=كل ما شافه وقع والبلـد متراميـه

صح لسانك يابو فارس

وصح لسان قراح


محاورة شيقه استمتعنا بها

	المشاركة الأصلية كتبت بواسطة حمود الغيداني

	صح لسانك يابو فارس وصح لسان قراح محاورة شيقه استمتعنا بها

الاخ القدير حمود الغيداني


صح بدنك ولا هنت ومشكور على التنسيق