( بعد ما شفت ريع السنع مقعود) محمد الربيقي و عبدالعزيز العازمي..!

.

.
أنقل لكم هذه المحاورة التي جرت مؤخرا
بين الشاعرين القديرين محمد عبيد الربيقي الحربي
و عبدالعزيز العازمي في منطقة الرياض..

هلا مرحبا و البن الأشقر و ريح العود..=..لكل الضيوف من المعازيب محسوبة
عسى الله يجمل حالكم يارجال الجود..=.. وفيتم وكل ٍ بالوفاء نال مطلوبة
يدوم البقاء وقت الكرم ما عليكم زود..=..ليا سقت قدمي دلة الهيل مشروبة
يقولن سته فالمدينة عيال العود..=..ولكن شداد العود راحوا ولا جوبه..
تعلمك ياعبدالعزيز الليال السود.. =..على الهون تو الليل والنار مشبوبة
تبى تاصل الحكمة تبى تبلغ المقصود..=..ليا صار بني البيت طوبة على طوبة
طريق المراجل يامحمد يبى مجهود..=..ولا تحسب ان الشعر في يدك لعبوبة
ليا جبت لك حجة قوية عليها شهود..=..يقولون لك حجتك فاللوح مكتوبة
((تقولة بعد ما شفت ريع السنع مقعود..=..زمانك عجيب و باقي أيامك أعجوبة))
بعد صارت الاوراق يدّ سعد و سعود..=..خلصنا من الموضوع مانلتفت صوبة
((هل الدار ما سووا تميمة على المولود..=.. تقول إن مولود الجماعه ما فرحووبه))
عسى مكسبك من طرقتك شوفة ابن سعود..=..وباق الاوادم تلبس ثياب مقلوبة
مادام العرب يدرون من ياصل المردود..=..أكيد أنهم لليوم الآخر تواصووبه
تشرفت و انته تاصل الماسطة وتعود..=..أظنك تحاول نوبةٍ غير هالنوبة
جمال البدو في دربها شدها مشدود..=..لكن القعود يداحم شعيل بــ جنوبه
لك الله ماأمشي طرقةٍ ما وراها فود..=.. أنا فالطريق أشوف لي ناس منكوبة
مادام إنها ماتقرب العيب والمنقود..=..هل المعرفة علم المعزة تواصووبه

وتقبلوا تحياتي..

الله الله
صح لسان الشاعرين
و نمتمنى التوفيق لشاعرنا الكببير/ محمد بن عبيد الربيقي و الله انه يشرف القبيلة بمواقفه النبيلة
و مشكور اخوي / فهد على هذا النقل الراااااائع و هذه عوائدك العلوم الطيبة

شهادة شكر نبعثها الى شاعرنا القدير
فــــــهــــــد الــمحســـن
على اتحافنا بهذه الدرة الثمينه
لك شكري وتقديري

فهد المحسن
سملت يمينك وبيض الله وجهك
على النقل الرائع
لهذه المحاورة الجميلة
لك شكري وتقديري .

كل الشكر والعرفان لك يافهد المحسن وتكفى تكفى تكفى نبي مقاطع صوت والا فيديو لأبو عبيد الله لا يهينك أنت وبقية الربع ..


صح لساني الشاعرين محمد أبدع وعبدالعزيز ماقصر .

الله الله الله

ابداااااااااااااااااااااااااع في ابدااااااااااااااااااااااااااااااااااااااااااااع


لاهنت اخي فهد بيض الله وجهك


بيض الله وجه الشاااعرين المبدعين الجزلين

محاوره رائعه جدا ومعنى ولا اروووع

سلمت وسلموا لنا شعرائنا الكرااام

الاخوة الأعزاء..:
حميدان العوفي
الواصل
الحميدي المخلفي
العطري
البلادي الحربي



كل الشكر والتقدير لكم على مروركم
الجميل وردودكم الاجمل..
تقبلوا تحياتي

الأخ فهد المحسن

بيض الله وجهك ويعطيك العافيه

محاوره رااائعه

بيض الله وجيههم شعار كبار وصح الله السنتهم

تقبل تحياتي

محمد عبيــــــــــــــــــــــــــــــد الحربي
للــــــــــه درك
شـــــــــاعر موهوب بالفطره


فـــــــــــهد المحــــــــــسن

بصمة التــــــألق وعنوان للــــــــــتفرد

جميل مانقلت بين الشاعرين محمد الحــــــــــربي وعبدالعزيز العااااااازمي
صـــــــحت ألسنتــــــــهــم


تحياتي للجميع

القمــه

اشكـــرك على شفـافيتك

ولكن تقول ((بالغو بما ذكــر))!!!!!!!!!

اتعجــب من تحفظـك!!
محمد عبيد الحربــي في اي موقــف بإسمـ حــرب يكون هــو نجمـ اللعب بلا شك0
وكـل من استحـق كلمة شـاعر فهو يشــرف القبيـله بلاشك في أي موقف

من تلقــى منهـمـ تقـل لاقيــت سيــدهمـ0000مثــل النجوم التـي يسري بها الســاري

تحيـاتي