ديوان الشاعر ( ناصر الحويمضي )

سلام ياأحمـد باحفيـد الصناديـد=لطيب قـرم وللمواقـف قصايـد
طيبك مع اهل الطيب يابن الاجاويد=ياأحمد لك بالطيب سلـم وعوايـد
لاجات وقفـات الزحـول الاوليـد=تلبس مع أهل الطيب تاج وقلايـد
البارحه ضاقت بنا جرهـد البيـد=عديت في راس الطويـل المحايـد
ماني بهاوي غيـد وافكـر بغيـد=أشغلت تفكيري علـى شـي كايـد
امشي بدربي زين وتـوق وحيـد=وقلبي غدابه مثـل جمـر الوقايـد
فزعتلي في شحـت قليـل الفيـد=اللي بفعل الطيـب ماهـو بفايـد
يوم انها شحـت يديـن المقاريـد=وقف لها النـادر وسيـع البنايـد
اثني عليك الشكر بالطيـب وزيـد=من شان طيبك يبيض الوجه زايـد
ولاهي غريبه منك وزيـد وعيـد=نادر ولـد قرمـن يحـل الشدايـد
وفيت ياأحمـد ياحفيـد الصناديـد=لطيب قـرم وللمواقـف قصايـد

يـازيــاد يابــادع جـزيــل التماثيـــــــل == يابـن نحيـت اللـي اللا مجـاد كســـــــــاب
ابـوك جــوده مثل وبــل المخاييــــــل = وبوك من طيبه كم اعتق من ارقـــــاب
يعنـي لــو اتكلـم مـن الصبـح للــيـــل = ماني موفي ربع مايفعل حجــــــــــــاب
الوقفــه اللـي حملـها عسـر بالحيــــــل = تنصى حجاب وللها عنه مجنـــــــــــاب
متنـه يشيـل ويحتمـل حملـة شعيـــــل = كمن حمولن شالها مالها حســـــــــــــاب
ياصلبها النـادر بعيـد المواصيـــــــــل = في ذمتي من يعتزي فيه مخـــــــــــــاب
رجال تشهـد لـه زحـول الرياجيــــــل = عزام جزامن وللنــار شبــــــــــــــــــــاب
من دون قاصـر بالرجــال المشاكيـــل = مهضم حقوق اهل النقاء عكف الاشنـاب
ياحرب ياهل السيف والجيش والخيل = ياللي ليا نشبت تحلون الانشـــــــــــــــاب
يومنها جيش وسيوفن مصاقيـــــــــل = تاقف جميع القوم عن حرب وتهــــــــاب
وزياد مثلنا وهو خير تمثيــــــــــــــل = يصخر بيوتن تعجب الناقد اعجـــــــــاب
ماهوشعر ضحك ولحــون ومواويـل = شعره يزلزل فكر ناقد وكتـــــــــــــــــاب
واليوم بالتصويت لا ينقص الكيـــــل = لاخير بالي يوم جت وقفته غـــــــــــــاب
يمكن ماهو حربي ومن غير تفصيل = تفسيرها معروف ياصحاب الالبـــــــــاب
يأهل الحميا وينكم شدو الحيـــــــــــل = مدام فيها وقفت اصحاب لصحـــــــــــاب
تصويتنا نبغاه تدبيل تدبيــــــــــــــــل = نبغا الرسايل كنها المزن صبــــــــــــــاب
واللي يخزن المال مسكين وبخيـــــل = وش عذرنا بين القبايل والاجنـــــــــــــاب
يامكثرين الهرج والقال والقيــــــــــل = البيرق البيرق لبن شيخنا حجــــــــــــــاب

البارحة جاتنـي يـا لافـي الضيقـه=وقامت هواجيسـي البـارح تحدانـي
وأشيل حمل الجمـل شقـران وطيقـه=ماني بعاجز عن اللى شـال شقرانـي
وشـد نفسـي وأشجعهـا بتصفيقـه=ويثور في داخلـي بالعـرف بركانـي
عاهدني الشعـر واعطانـي مواثيقـه=واهديتلـه حكمـة العـراف بلسانـي
الهم رمحـن علـى قلبـي مزاريقـه=لاروح الرمـح الاول جانـي الثانـي
العـز والمجـد ماتجهـل مطاليـقـه=وابوي باسما سلـوم المجـد ربانـي
مشكـي لوالهـم تلعبـي طواريـقـه=من شان ما افرح علي اصدور عدواني
ماهمني ذاك أبـو ضحكـه وتعليقـه=أباآقف أحصان وامشي مشيت احصاني

يامودي العلم صوب اصحابنا جيبـه=جيبه لولـد اللذينـا وتجـه صوبـه
قلـه ولـو شفتـه أيفتـل بشانيـبـه=قله ترى دلته من عصـر مشروبـه
وقله ليا عـذرب وكثـرت عذاريبـه=اهل المناصب عن الواطين منصوبـه
حنا رجـال الوفـا والعـز والهيبـه=اهب تجهـل بناخـي مـن تعزوبـه
أنا بناخي رجل مطنـوخ ومصيبـه=ماطر ولد راشـد الله يغفـر ذنوبـه
ياكم ذبح فارس"ن" حمر"ن" مشاهيبـه=جبل جبل راسيـن والنـار مشبوبـه
شجيع قومن ضـلام الليـل يسريبـه=من جاه ماطر حـرام ليعلـن التوبـه
وبيته مقر الدخيل وطـارد"ن" ذيبـه=لا من عوى ذيب يعوي ذيب"ن"عجوبه
ولايا غزاء من بغاه يجيبـه يجيبـه=ياكم فارس يدوسـه تحـت عرقوبـه
واللي جهلنا يقـول الهـرج أماريبـه=فعول جدي علـى التاريـخ مكتوبـه
وعقب عيالـن تعلـو فـي مراقيبـه=عيـال وقفاتهـم بالوقـت محسوبـه
وليا رمينا هـدف نرميـه ونصيبـه=والرجل له غايته وهـداف مطلوبـه

تاصل قبيلة حرب وربع الاجنـاب=سلام تسليـم الوفـا والشهامـه
سلام قدر اصحاب غالين لاصحاب=مشتاق مـن شوقـه يكثرسلامـه
عز الخوي حنا شريفين الانسـاب=حنا اهل عـزه وطيـب وكرامـه
وان حكت وصكت رسينا للصعاب=وعدونـا يلقـا القهـر والندامـه
كبيرنا دنـدون فكـاك الانشـاب=وصغيرنا تلقا الفشق فـي حزامـه
حنا قبيلة حرب كم واحـدن تـاب=من قو هيبتنـا تراقـل عضامـه
قبيلتـن عنونهـا شـر وحـراب=ونطيب لطيـب ونبقـى حزامـه
ياما نعز اشنـاب ونـزل اشنـاب=وراسن يعاندنا مصيـره عدامـه
وليا لقينا حربي ايخـاف ويهـاب=وقت المعارك مايطـش العمامـه
نضعه في حفره ومن فوقه تـراب=حنـا رجالـن مانحـب الرخامـه
اقولهـا صـادق ولانـي بكـذاب=حنا قبيلة حـرب سقنـا الجهامـه
ماهمنا بالوقت لو تنبـح اكـلاب=هامت رجل حربي على كل هامـة
ونفخر ببن بتلاء وبن عمه حجاب=اللـي فعايلهـم سـوات الغمامـه
وابن كمي يتبع لهم وابـن كـلاب=افعالهم نـورن يجـل الضلامـه
وشيوخن الباقين يعطون الارقـاب=كل علـى ماقيـل وافـي مقامـه
كل القبايل حاسبين الهـم حسـاب=المحترم يفرض علينـا احترامـه
يالافي ابن حمود ياعيـد يالهـاب=الشعر من مبطي الابستم وسامـه
وانا معي شلفا ولـد غانـم ذيـاب=وشعيل ابنضربه طموحي سنامـه
الحويمضي ناصر يبا يبذل اسباب=وان وفق الله غير يثبـت كلامـه
اما طلع حضي على كل مرقـاب=ولا رقد حضـي وكمـل منامـه
الشعر له طاقه وضبه ولـه بـاب=والي فتح بابـه يحصـل مرامـه
وان شهدن المرجله سر الاعجـاب=مثل التأنـي يـوم فيـه السلامـه
سلام قدر اصحاب غالين لاصحاب=مشتاق من شوقـه يكثـر سلامـه

يا طير أنا أبعطيك علـم"ن" توديـه=والسوق ذا بايـع وسايـم وشـراي
وأنا سوات الذيب وسري مساريـه=واللي معي يمشي تراهـم حلايـاي
أمشي وكم ذيب"ن" مع الدرب أخاويه=على النقا والعـز بيبيـن مسـراي
والجرح ينزف والاطبـاء تداويـه=لاكنهـم ياطيـر ماجـبـوا أدواي
والوقت ذا وقت"ن" يامكثـر بلويـه=فيه الحسد حتى على شربـه المـاي
وأنا كما حـر"ن" نـوادر مجانيـه=حر"ن" ولد حر"ن" وخذ مني الـراي
الطيب الطيب ترى أشفـق لطاريـه=وأشفق على شوفه وذكره بذكـراي
والخأيب اللي خاب خابـت مباديـه=وأن كان خاويته يبا أيخيب مبـداي

هلايامرحبا في حفل قرمـن فاتحـن بابـه=على سلم الرجال ومرحبا والعـز والهيبـه
وريح العود الازرق لا نفح من زاكي أطيابه=وبن اهل اليمن مع زعفران الهند ابو شيبـه
باسم عيد المزيني سايق الترحاب لاحبابـه=وينطحهم بكلمـة ياهـلا والفيـن ترحيبـه
وقصر الافق لاجيته ماتسمع غير ترحابـه=عليه بالحرام انـه كريـم وزايـدن طيبـه
وانا شوف البكيريه مثل طيبه من أصحابـه=من الضيفان تتزاحم شورعها مثـل طيبـه
لماذا كلهم جولـه وكلـن حضـر أركابـه=لماذا والرجل عند الرجل ويش اللي ايجيبـه
ماهي بمعادله صعبـه ولاتحليـل بكتابـه=تبون العلم مني يمكم ياالربـع انـا ابديبـه
لانه كفو حلحيلن وقرمن يحسـب أحسابـه=ومن طيبه يقول الضيف أنا وانتم معازيبـه
كسب بنت الحصان اللي ينومس من تعزوابه=على شرع الالاه وسنـة محمـد وتاديبـه
ترا ماهي غريبه عيـد للنومـاس يرقابـه=عسالله يسعد أفراحك ودرب العـز يمشيبـه
وانا أفخر في محافل لابتي ياحـي هالابـه=على عز وشرف والضيف ماتنقص مواجيبه
تروح ارواحنا دون الخوي وانخاوي أذيابه=وبو عذروب مرجوعه على دقنه عذاريبـه
ترى حنا قبيلت حـرب بالشـدات حرابـه=ومن طول بشانيبه نقصـر روس أشانيبـه
ترى حنا قبيلـة حـرب للفنجـال شرابـه=دواهي و الدواهي ساسها من قرم و مصيبه
ولجانا كلام وقـال قالـه شخـص زلابـه=نقول ان الزلايب هرجها سامـج وتركيبـه
واضلم الناس عز الله ناخاف الظلم وانهابـه=نخاف الظلم ونبعد طريـق الشـك الريبـه
وانا أقول القبايـل كلهـا للطيـب كسابـه=مذم الطيـب الـي كـل ماعـدو مكاسيبـه
يشاف المجد والناموس والطـالات بكتابـه=يجود الجود من جوده وفعل الطيب ضاريبه
وختمها بقول امين وانت معـي يصحابـه=عسى ربي يوفق عيـد ويحقـق مطاليبـه

قصايد جزله وقويه
واكيد قصايد المستقبل اقوى وأجمل

إن شاء الله