سلام الله سلامٍ ماترده قفلة البيبان

	المشاركة الأصلية كتبت بواسطة الشاكر أبو سامي

	الشاعرين العملاقين : مضحي بن جمران قابل البشري صحت السنتكم وبيض الله وجوهكم على هذه المحاورة التي استمتعنا بها حقيقة لهدفها السامي وجزالة ابياتها بارك الله فيكما وحقق الله امانيكما .

لاهنت ياشاعرنا واستاذنا القدير ابو سامي صح بدنك وجهك ابيض ولاعليك زود والجزاله تكمن بهذا المرور النير سلمت ودمت وتقبل مني صادق ودي وتقديري

	المشاركة الأصلية كتبت بواسطة قابل البشري

	انااظن العوج ماينعدل لوطالت الازمان=على مبداه لوشالوا وحطوا مايعدلونه واعرف الحي يحيي والذليل من الرجال مهان=ومن يرضى المهانه مات قلي كيف يحييونه

صح لسانك كفيت وفيت يابو يزيد واللعب معك لايمل
لكن على قول الشعار الطاروق شاب ولنا ان شاء الله لقاء ثاني عن قريب
وتقبل مني صادق ودي وتقديري لشخصك الكريم ودمت بحفظ الله ورعايته

صح السنتكم وبيض الله وجيهكم

	المشاركة الأصلية كتبت بواسطة بن فرهود الحربي

	صح السنتكم وبيض الله وجيهكم

صح بدنك وجهك ابيض وكل جزله من اهلها يامشرفنا القدير بن فرهود الحربي سلمت ودمت

مضحي بن جمران=
سلام الله سـلامٍ ماتـرده قفلـة البيبـان=واعرف ان النشاما ماتصك الباب من دونه
يعم الملتقا واخص به واحد من الشبـان=زهمنا قابل البشري يقوم القرم في شونه
قابل البشري=
هلايامرحبا ترحيبة ترجـح بهـا الاوزان=على مد الوفا والطيب والقيفـان مزونـة
واقول ابشر بعزك ياولد عمي يابن جمران=وقابل ياخويي فـي لزومـه لاتوصونـه
مضحي بن جمران=
يدوم إلك البقاء والغيم غيم والسماء هتان=وسيله غرق الايتام وكلٍ تنظـر عيونـه
تبراء ماتبراء والحقيقه يالبـري امـدان=يالين الوضع هذا كلكم بالفعـل تنهونـه
قابل البشري=
انا شفته الذي شفته يامضحي شوفة الاعيان=عليهم صب مثل الموت والعالـم يراعونـه
وعن كل الحقيقة نكتفي في وقفة الشجعـان=صناديد الرجال اللي حموا تينـه وزيتونـه
مضحي بن جمران=
تشوف وشفت ماكدر نظرنا واكثر الاحزان=على شعبٍ تبكي قصته مـن لايعرفونـه
واظن الغدر باروده لها كل الاهل نيشـان=مدام صفوفهم ماوحدة في وجه فرعونـه
قابل البشري=
بكينا والمدامع ماتـرد الظلـم والطغيـان=يرده لاشرب راعيه مـن قنـه وقانونـه
وخفافيش الظلام اللي تحرك لعبة الشيطان=الى يوم القيامة مـن عبـاد الله ملعونـة
مضحي بن جمران=
تناسى الخصم والمضروب ماهو يقدر النسيان=شريط الذكريات يكرهـا لبـرم شطرطونـه
عدوك مايعينـك لاتـدور فالعـداء صدقـان=لو ان المصلحه تجمع ضعنك اليوم بضعونـه
قابل البشري=
مادام الحق له طلاب يرجع حكمة الرحمن=واهل الحق لوطال الزمن لابـد يوفونـه
وهذا هم تحسبهم جميع وجمعهم شتـان=حقيقة ماعلينا من جميع اللـي يقولونـه
مضحي بن جمران=
عساء من بعد هذي نتعض ونوحد البنيان=بصفِ يحسب حسابه وعدوانه يهابونـه
تراء بالجمع قوه والمثل من تجربة لقمان=ولكن كل عود ليا انفرد للكسـر ياهونـه
قابل البشري=
انااظن العوج ماينعـدل لوطالـت الازمـان=على مبـداه لوشالـوا وحطـوا مايعدلونـه
واعرف الحي يحيي والذليل من الرجال مهان=ومن يرضى المهانه مات قلي كيف يحييونه