سالم العرم .......... وفلسطين

	المشاركة الأصلية كتبت بواسطة سالم العرم

	ينصر اللي صنع له من صخورك سلاح=يوم شاف ان من حوله بخل بالمدد صيرميآ يجابه بالحجر لين طاح=يدري الموت قدامه ولكن ورد عازمآ جازمآ مسقي عدوه ذحاح=اشهد انه ولد طحطوح نعم الولد ماتنعم وعاش الذل والانفتاح=ردد الله واكبر واحتزم واجتهد ما نظر للرجوع اهم شيء المراح=عارف انه حسب ما يزرع يبا يحصد

صح لسانك يا سالم
قصيده رائعة
نسأل الله العون لدحر الأعداء
تقبل تحياتي

اشكركم على مروركم الغالي

	المشاركة الأصلية كتبت بواسطة سالم العرم

	صدقيني حزين انك بليا جناح=يافلسطين مانتي لليهودي بلد تشكين المصايب بالمساء والصباح=بس مافيه رجال(ن) شجيع ارتعد ينصر اللي صنع له من صخورك سلاح=يوم شاف ان من حوله بخل بالمدد صيرميآ يجابه بالحجر لين طاح=يدري الموت قدامه ولكن ورد عازمآ جازمآ مسقي عدوه ذحاح=اشهد انه ولد طحطوح نعم الولد ماتنعم وعاش الذل والانفتاح=ردد الله واكبر واحتزم واجتهد ما نظر للرجوع اهم شيء المراح=عارف انه حسب ما يزرع ابا يحصد كيف ننسى رسول الله وطعن الرماح=كيف ننسى الصحابه كيف ننسى سعد كيف ننساك ياطارق وننسى صلاح=وان بغيتوا بعد عندي علومآ بعد اشهد انه نجاحآ ماسواته نجاح=نعمة(ن) ما تعد ولا تقدر عدد ياعسى يصحي النايم ويبدى الصباح=صحوة(ن) توعي اللي في حياته رقد وللسعد بالمنابر يذن ابن رباح=ويرعد الراعد اللي له زمن ما رعد ويرفع الصوت وينادي بحي الفلاح=ولاتوخر رجال ولا توخر عتد والهبايب تهب وعطرها يوم فاح=ريحة الجنة اللي للمجاهد وعد وعد وبل المزون اللي بها البرق لاح=ياصلاتي على محمد وصلوا بعد

الأخ سالم العرم

بيض الله وجهك على هذا الأبداااااع الرااااائع

منظومه متميزه من شاعر راااائع

صح الله لسانك

ولله درك

ملاحظه يالغالي

البيت الثاني الشطر الأول اثقلته بكلمه( تشكين )

لوا اخترت كلمه اخرى انسجم البيت اكثر ويجوز فيه خطاء املائي

ولوا قلت مثلاً( تحملين )اشوفها اكثر انسجام من تشكين

وهي لاتعيب هذه الرائعه وهذا من باب المنظور الشخصي يالغالي

لك مني اجمل التحايا

ودمت ودام ابداعك

السلام عليكم ورحمة الله وبركاته
سلمت ودمت أخوي الشاعر سالم العرم على القصيدة .
.
.
جزله ورائعه وصح لسانك
أخوك ابوساره

اشكركم على مروركم الغالي

وبالنسبة للكلمة مكتوبه خطا هي تشتكين وليس تشكين وارجو من المشرف تعديلها

تشتكين المصايب بالمساء والصباح

صح لسانكـ


وبيض الله وجهك

وجهك ابيض
واشكرك على مرورك

صح الله السانك


قصيدة عانقة السماء بجزالتها وأبداعها

تحياتي لك

	المشاركة الأصلية كتبت بواسطة سالم العرم

	اشكركم على مروركم الغالي وبالنسبة للكلمة مكتوبه خطا هي تشتكين وليس تشكين وارجو من المشرف تعديلها تشتكين المصايب بالمساء والصباح

الأخ سالم العرم

بيض الله وجهك وصح لسانك

وتم التعديل يالغالي

تقبل اجمل التحايا

ودمت بخير

اشكركم على مروركم الغالي
بيض الله وجهك على التنبيه والتعديل يا بن خير الله