محاوره لجميع الشعراء

بسم الله الر حمن الر حيم
السلام عليكم ورحمة الله وبركاته
اخو اني اعضاء ملتقى حرب الرسمي
اود ان اطرح فكره جديده وارجو من الجميع التفاعل وهي كالا تي
هذه بيتين من الشعر ابتديت بها وعلى من ياتي بعدي ان يبدا بالحرفين الا خيره
مثلا

يهدا ضميري يوم ارد التحيـة=واقول سلم لي على ابن سعودي
ملوك مانبغى حكـم جمهوريـة=متوارثينه من عصور الجدودي

من ياتي بعدي
يبدابحرف(د) و(ي)
ولا يشترط التقيد بالطاروق والقافيه التي سبقك بها العضو السابق
كما نرجو من الشاعر ان تكون ا لحرفين الا خيره من ابياته ليست صعبه حتى يمكن البدء بها
اتمنى ان تعجبكم الفكره وان تنال رضاكم
واتمنى تثبيت الموضوع
اخوكم
حسين العبيدي

دام عزالوطن بسم السعودية=يحمونها بعد الله حكام وجنودي
دارالكرم والعطا وأهل الحمية=يزين ياعبيدي لياصفوا فزوعي

تشكر اخوي حسين مريع العبيدي على هذا

النوع من المحاورة وهو مايسمى [ بالمساجلة الشعريه ]

والذي اعرفه انه بيت واحد ويختار فيه القافيه الصعبه ويكتفى بالحرف الاخير

واستلم لاهنت :

ديرة عزها ربنا بالكرام = الشهادة تعلت في خفوق العلم
سلموالي على اللي عينهم ماتنام = ساهرة في سبيل الله حماة الحرم

صحت قلوب الشعار:

رملها تِبْر و الما عذب من بحرها= و اسود الزيت غيَّر حالة الساكنين
عقب ما كان ضيق العيش في صِحْرها= جا تحت رملها خيرٍ لباقي السنين

ينعم الضيف بالخيرات لازارها = والمواطن قرير العين طول السنين
والبلاوي وقانا الله من شرها= ونطلب الله يرفعها عن المسلمين

ينام جاري قرير العين دامي القصير= داره و داري سوا مابينهن تفرقه
و لا غاب يرجع و هو مرتاح ما شي يصير= أراقب البيت و اللي فيه، ما احد سرقه

قهويت جاري وضيفي من حلوق الدلال = الجار له حق والرجال ما يتركه
ويلقى الوفا والعلوم اللي تسر الرجال = مادام هو عارف المقدار ومدركه

الاخ الشاعر الصييفي حياك الله يالغالي

كهل الرجال الحكيم يسيِّر المنتخب= كنه يسيِّر على بساطٍ خضر معركه
ليت العرب فكروا في قدسنا المغتصب= و جابوا هدفنا القديم اللِّي متى ندركه؟

حياك ربي يا حسين مريع العبيدي

كهربتني يالصييفي يا كريم الحسب = اللي تعاني منه حنا منه نشتكي
اليا اجتمع شملنا باكر نحل النشب = وان بقيت التفرقة ما فاد كثر الحكي

القافية واقفة ماتعطينا كلمات كثيرة

	المشاركة الأصلية كتبت بواسطة حسين مريع العبيدي

	كهربتني يالصييفي يا كريم الحسب = اللي تعاني منه حنا منه نشتكي اليا اجتمع شملنا باكر نحل النشب = وان بقيت التفرقة ما فاد كثر الحكي القافية واقفة ماتعطينا كلمات كثيرة

كيد العدا شب بين المسلمين اللهب= و لا به حدٍ حل مشكلةٍ و هو مرتكي
كلٍّ يبي مؤتمر بك يا زمان العجب= و كلٍّ يدوِّر زعامه في زمن "يكْ يكي"