ديوان كسرات صقر المقرح

لا يأثر الهرج في خاطـرْك = يا كثر منهو هرَج فاضـي
ما يسوى منهو حكى اظفرْك = ولا هو فشرع الهوى قاضي

الجرح في داخلي ماقْواه= ويزيد كل يوم والثانـي
وازيت القى له امداواه= الخافق اللي بك اشقاني

مدري متى تسمح اظروفك= وكيف اتأقلم مع اوضاعك
توحشني حتى وانا اشوفك= واشتاق في لحظة اوداعك

من اولي أعشق دروبك= والجرح في خافقي دامي
واليوم متغيّر اسلوبك= وفراقنا صار إلزامي

حمام رفرف على الكرنيش=في شط الأحلام فالدره
ماشفت مثله حرير الريش=يدرج ولا تبان له جره
فالدرّه الناس تبغا تعيش = حياتها فالبحر حُرّه
إبعد ترا فالك التطنيش= حمام ما ينْقرب مرّه

أسمع صدى ذكريات الأمس= تستجذب القلب تستجديه
وتزيد وسط الخفوق الهمس= تبغاه يرجع إلى ماضيه

دام الموازيـن مختلفـه = ويرجح به الهجر ميزانك
أشوفله خافقي صِرفـه = وأجرّعه كاس نسيانـك

قلبي انكوى بالفـراق المـر= وروحي دواها غدى عـنـده
وياكـم علـيّ الليالـي تمـر= أسير شوقي وكثر عنده

الهجر ياصاحبي ذبّاح= لا تزوّد النزف بجروحي
أرجوك هوّن عن المرواح= لو رحْت راحت معك روحي

أشرب مرار الأسى في كاس = واخفيه ما بين جُلاّسي
وادراه دمعي فوسط الناس = مابْغا أحد يجرح إحساسي