في حفل زفاف ابني الأستاذ علي سليمان

السلام عليكم ورحمة الله وبركاته
،
في حفل زفاف ابني الأستاذ علي سليمان
،

ياهـاجسي روِّح معي بالتماثيل=يوم الخميس أول طلوع الهلالي
واطو الفيافي طول ميلٍ بعد ميل=وارقى الجبال الشامخات الطوالي
يم الرجال السفـر ذبَّاحة الحيل=شيالت الصايب على كل حالي
النجر غطرف ورقِصَنَّ المعاميل=والبن الأشقر زان وسط الدلالي
في دار رجلٍ من فهودٍ مشاكيل=أبو حسن وحسام نعم الرجالي
وقدم لهم بأيْمَكن طيب الاكاليل=والعود الأزرق الحِقِه بالشمالي
والشـاهد الله مانبيها معـاديل=ولا هي عطية من عيال الحلالي
الا ... عليَّه حق لاهل المكاييل=اللي ملوها طيب من كل غالي
أقولهـا بالفعـل ماهي أقاويل=عني وعن ربعي كرام السبالي
كسـابة الطالات جيلٍ بعد جيل=حمـاية الميقـاف أول وتالـي
لالج صايح ناقضات المجاديل=ويبست رياق وعَقِّداً بالحبالـي
تواردوها بالقنـا والمصاقيل=ولا يصْدرون ألا بعذبٍ زلالي
فعايلٍ تنهـال مثل الهمـاليل=في السلـم والقالات والا القتالي
ولا أبخس حقوق اللي كمانا رجاجيل=في الهينة واللينة والثقالي
لكن حقايق جات من غير تمثيل=وباشرب صفا مادام وقتي صفالي

صح لسااااااانك
وعلا شانك
والله يحفظ علي وأخوانه
،،
،

صح السانك وبيض الله وجهك قصيده جزله من جزل

بيض الله وجهك وصح الله لسانك

لافي

لله درك

ابداع رااائع يعطيك العافيه

تقبل اجمل التحايا

ودمت بخير

	المشاركة الأصلية كتبت بواسطة الحميدي المخلفي

	صح لسااااااانك وعلا شانك والله يحفظ علي وأخوانه ،، ،

الحميدي المخلفي
،
صخ بدنك ولاهنت
،
آمين

	المشاركة الأصلية كتبت بواسطة جريح الفرقا

	صح السانك وبيض الله وجهك قصيده جزله من جزل

جريح الفرقا
،
صح بدنك
،
ووجهك أبيض

	المشاركة الأصلية كتبت بواسطة ابن خيرالله الردادي

	بيض الله وجهك وصح الله لسانك لافي لله درك ابداع رااائع يعطيك العافيه تقبل اجمل التحايا ودمت بخير

ابن خيرالله الردادي
،
وجهك أبيض
،
وصح بدنك
،
لاهنت

صح الله لسانك
ولاهنت
وسلم فكرك وبنانك
دمت برعاية الله وحفظة

وفقه الله
صح لسانك مليون على القصيده
والله يـعـطـيـك الـعـافيـــــــــــة

بيض الله وجهك