من بلد جدة ليا ضلعان حايل تتبع اديار الروا والدلـو شنّـه

مستورالعصيمي =
عد ماهلت هماليل المخايل =ياسلام الله سـلام بغيـر منّـه
للامير وللجميع اهدي سلامي= واطلب الله بالنجاة وبالسلامه
الصمايل ياهل الخيل الصمايل =لبسوها بالسروج وبالاعنّـه
والقمر يجلاك ياليل الظلامي =ياقمرنا بالرياض وفي تهامـه
صياف الحربي =
مرحبا ترحيبة فيهـا دلايـل =سنـة قبلـي وانـا تبـاع سنّـه
اكمل الحجه يالبـاس الحرامـي =لاتسافـر بالعقـال وبالعمامـه
انتبه للي يردون المثايل =لاتطـب النـار وانـت بوسـط جنّـه
ثم تصبح بالخلا جوعان ظامي =تعصر الزيتون من عرق البشامه
مستورالعصيمي =
ماش ياصياف حيلات ومحايل =شفت لي في بعضكم شكه وظنّـه
الحرامي كيف يسرق له حرامي= طحت لك في حفرةعشرين قامه
عقب هاك السالفه كيف انت قايل =يوم جردنا السيوف المستسنّه
يوم قمنا يالحروب الحظ قامي =يبعـث الله امتـه يـوم القيامـه
صياف الحربي =
الله اكبر كيف خيلت المخايل =وانت عينك تحت رمشك مستكنّه
مامعك غير الفتيله والحزامي= والعصا اللي شلتها ظلم وغشامه
من بلد جدة ليا ضلعان حايل =تتبع اديار الروا والدلـو شنّـه
كن ما لك لالسان ولاعظامي =عقب ضيعت الشداد مع المسامه
مستورالعصيمي =
ماجحدت بيوت ماضيين الفعايل= وانت هاك اليوم ونيت لك ونّه
يالسحيمي طيعني واسمع كلامي =الغلط يوقفك في درب الندامه
ان كثر مابيننا قيلٍ وقايل =والهقاوي يرجعن اليـا اهـل هنّـه
لاتقرب ميسم بالنار حامي= يصبح الميسم على الخدين شامـه
صياف الحربي =
انته الليله عليك الحمل مايل= وان بغيت العد حنيت لك حنّه
والحقيقه لاتباع ولاتسامي= غشك اللي حط لك ربع العلامه
لانته التالي ولا انت مع الاوايل= حولت في نارنا تسعين قنه
واصبحت لاهي شراب ولاطعامي= ماعليّه من سبايبها ملامه

السلام عليكم ورحمة الله وبركاته

كل عام وانتم بخير

وبيض الله وجه الكاتب على اختياره لاطايب الكلام

ورحم الله الشاعر الكبير صياف بن عواد الحربي

فقد امتلك مفاتيح الكلام وهذا القاف المروبع من

اجمل الالحان بين الشاعرين وهو من امسيات المغتره

مزرعة الامير فيصل بن خالد بن عبدالعزيز


محمد حجيج الاحمدي

الله يعطيك العافيه على النقل وماقصرت

الله يرحم شاعر الخليج
ومشكور يالغالي

كل عام وانتم بخير

وبيض الله وجهك على الاختيار الرائع

ورحم الله الشاعر الكبير صياف بن عواد الحربي

صح لسان الشاعرين

و مشكور على النقل

الله يبيض وجهك ياابن فرهود
والله يرحم شاعر الخليج

الله يعطيك العافية ... والله يرحم صياف بن عواد والله أنه كان جبل مايتزعزع من أي شاعر وعساك على القوة يابو تركي الله يعطيك الصحة والعافية .

بيض الله وجهك

بيض الله وجهك
.
. . . . . . . وشكرآ