لعل السحاااااااااب

لعل السحاب اللي نشى غرب وانحدر=على نجد يانواف تركد مخايله
ويضلم سماه وينطلق منّه الثعل=ويسكرهواه ويبجد القاع وابله
تلج الطيور بصوتها عند نزلته=مطرخير لابرد ولاهي بقايله
يرش النفود وينغسل مثمرالشجر=ويجعل عبيرة نسمة الجوهايله
حقاق يدق الارض من قو خابطه=يهزالنخل تلقى العراجين مايله
ركد وابله لين ارتوى طامن الوطا=عليها ارتكى كل الاداعيب سايله
سقا وادي الصمان مع وادي الرمه=لوادي حنيفه وصل سيله نثايله
ثلاثين يوم وليل يانجد ديرتي= ومن لايحبك جعل ماني بقايله
ثرى نجد عن غيره مثل صافي الذهب=وطاها هواها ماندوربدايله
وغلامملكتنا من بحرجده الحمر=الى ساحل الدمام هلت هلايله
من الجوف لهضاب الجنوب ومناطقه=رحمك الولي ياشبل هذي فعايله
فعايل رع العوجا على صهوة الفرس=آباقول لي قولا وثبّت دلايله
حكمها بشرع الله والأمن سادها= بعدخوفهم كل رقد مع عوايله
نصر دعوة الوهاب غصب عن الذي=على عزة الاسلام يخفي غلايله
شجاع على صيته تعلت مناصبه=على صفحة التاريخ طابت شمايله
بلادي بلادي دونها يرخص الغلا=ملخص كلامي دون مزحه صمايله
احب القنص باهضابها واعشق السهل=برفقة ارجال همهم كل طايله
واحب القلوب الوافيه واحفظ الوفا=وراع الجميل اموت مانسى جمايله
واحب الشعروالشعرمن عادة العرب=وراع الطيب والله يعجبني مثايله
وقلبي خضرينساق من نسمة الهواء=لياشاف مزيون ينسف جدايله
شريف الطبايع جعلني مقرب الردى=اموت بعزاز ولااختفي سد عايله
=عيسى العوفي

عيسى العوفي
صح لسانك وبيض الله وجهك
قصيدة من أروع ماقرأت بقافية جميلة جدا
كل بيت أجمل من الآخر
لك كل الشكر والتقدير والإعجاب بهذه الدرر التي لا
يمكن أن يطوعها إلا عيسى العوفي
وكل عاااام وأنت بخير .

عيسى العوفي

صح لسانك وسلم بنانك

و تقبل الله دعاءك

وسلم الله بلادنا من شمالها لجنوبها و من غربها لشرقها من كل شر

تقبل تحياتي و مروري

عيسى العوفي
تقبل الله دعأؤك وشكرا لك على هالابيات الرائعه
وكل عام وانتم بخير

	المشاركة الأصلية كتبت بواسطة الحميدي المخلفي

	عيسى العوفي صح لسانك وبيض الله وجهك قصيدة من أروع ماقرأت بقافية جميلة جدا كل بيت أجمل من الآخر لك كل الشكر والتقدير والإعجاب بهذه الدرر التي لا يمكن أن يطوعها إلا عيسى العوفي وكل عاااام وأنت بخير .

الاخ والمشرف الرائع/الحميدي المخلفي

اشكرك على مرورك المشرف وعلى اطراءك الجمييييييييييل

شهااااااااااااادة منك اعتز وافتخربها

لك تحياااااااااااااااتي

عيسى العوفي

صح لسانك وسلم بنانك

	المشاركة الأصلية كتبت بواسطة الصييفي

	عيسى العوفي صح لسانك وسلم بنانك و تقبل الله دعاءك وسلم الله بلادنا من شمالها لجنوبها و من غربها لشرقها من كل شر تقبل تحياتي و مروري

اخوي الصيفي

صح بدنك

اسعدني مرورك المشرف

شيخي المبجل وشاعري المفضل

جيت لقصيدتك هذي وانا مابراسي الا انتقدك وادور العذاريب والعيوب

لكن ياخساره لقيت بيوت بيوت خلتني امدح القصيده واشوف ميزاتها مثل

واحب الشعروالشعرمـن عـادة العـرب
وراع الطـيـب والله يعجـبـنـي مثـايـلـه
وقلبي خضرينساق مـن نسمـة الهـواء
ليـاشـاف مـزيــون يـنـسـف جـدايـلـه
شريف الطبايـع جعلنـي مقـرب الـردى
امـوت بعـزاز ولااختـفـي ســد عاي


صح السانك وبيض الله وجهك قصيده جزله وجميله لاهنت

الصراحه ابدعت بانتظار جديدك

الاخ الغالي

عيسى العوفي

صح لسانك وتقبل الله دعاؤك

مبدع يابن العم وجزل كما عودتنا بالجزاله

الله يعطيك العافيه

	المشاركة الأصلية كتبت بواسطة سعدالفريدي

	عيسى العوفي تقبل الله دعأؤك وشكرا لك على هالابيات الرائعه وكل عام وانتم بخير

اشكرك على مرورك المشرف والذي آنار متصفحي
لك الود